Ametsek paperezko hegazkin bat egin du, eta irrikaz dago hegan ikusteko! Hegaldatu baino lehen, ordea, hegaztiak aholkuak eman eta eman arituko dira, eta Ametsen konfiantza birrindu egingo da... harik eta ustekabeko ahots batek lagundu eta hegazkina hegaldatzen duen arte.

Alajainetako jaiak badatoz, baina aurten inork ezin ditu erraldoiak kalean dantzatu. Jaiak bai, erraldoirik ez? Ezta pentsatu ere! Izar, Ainubi eta Etxahun kosta ahala kosta ahaleginduko dira festetan gehien maite duten kalejira salbatzen. Baina... lortuko ote dute?

Liburu honen ardatz nagusia ekologia da, gizartearen eta naturaren arteko harremana. Lorenaren marrazkien bitartez, bizitzaren ziklo naturalaz hitz egiten da. Gatazka konpontzeko formula magiko bat dugu?

Euskal kulturak badu bere ipuin etiologikoa, non munduaren sorrera gertatzen den. Euskal mitologian, Amalurrek bizitza, argia, beroa eta babesa eskaintzen digu.

Letra larriz. Liburuaren barruan irudimena eta irakurketa lantzen dira. Emozioak eta natura.

Xubani ideia gaitza bururatu zaio diruaren irabazteko: izarren biltzea eta haien saltzea. Hastapeneko lilura eta arrakasta iragan eta, Xuban ohartuko da bere ekintzek badutela ondoriorik ingurumenean eta jendeengan…

Ihintzak eta Eñautek izugarri maite zuten baserrira joatea; izan ere, ondo zekiten amona Marixak beti sorpresa bereziak prestatzen zizkiela. Gainera, joaten ziren guztietan, sutondoan eta izarrei begira, ezagutzen ez zituzten ipuinak kontatzen zizkien ohera sartu aurretik.

Adiskidetasun baten sorrera, generoak eragindako aurreiritzien kontrako aldarria, laguntasunaren aldeko proposamen sotila… Zeru grisaren azpiko zelai zurian aurkitu daitekeen bizi gorazarrea.

Elefanteak begi bat kentzeko eta harekin, pilota bat balitz bezala, ping-pong-ean jokatzeko ohitura du. Egun batean, hain gora bota du begia, azkenean errekara erori baita, eta, aurkitu ezinean dabilenez, elefantea bere onetik irten da. Zenbat eta urduriago, orduan eta zailago begia aurkitzea. Baina hari begira zegoen neska batek emango dio konponbidea.

Zirkuan barre egiten dugu pailazoekin, zur eta lur uzten gaituzte magoek, harriduraz begiratzen diegu malabarista eta trapezistei… Baina gauza beldurgarriak ere badaude zirkoan. Ez da hala?