Liburu honetako animaliak beren ibilgailuetan joan-etorrian dabiltza klaxona jo eta jo! Bizikletaren txirrina, trenaren txilibitua, aspaldiko klaxon baten hotsa, suhiltzaileen kamioiaren turuta...

Batzuentzat dibertigarria da Emili; besteentzat, gafea. Nahiz eta beldurrak airean ibili zenbaitetan, gehie­netan barrez leher­tzen amaitzen dute haren lagunek. Emili dibertigarria ala gafea den jakiteko, haren desabenturak irakur­tzea onena.

Gau batean, ekaitza kanpoan, hautsi egin da Lolaren bizikleta. Baina Lola iaioa eta irudimen handikoa da, eta egun gutxiren buruan konpondu du bizikleta. Ez zaio txirrina baino falta. Itsasoko uraren azpian, bizikletak txirrina jo du, Lolari deika. Biek batera, amarekin mintzatzeko modua aurkitu dute: ez dute osaba itzultzerik nahi.

Hirira joango dira, eta han, bertakoen laguntzaz, aurre egingo diete kaleetan barrena behar bezala moldatzeko zailtasunei, eta, bitartean, ikasiko dute zer diren oinezko bat, espaloi bat, zebra bide bat edota semaforo bat. Beraz, trafikoan segurtasunez mugitzen ikasiko dute. Adiskidetasun eta laguntasun istorio dibertigarri bat, bide hezkuntzaren oinarrizko kontzeptuak irakasten dituena.

Mateok dantza egitea gustuko du, baina bere lagunei balleta aspergarria iruditzen zaie, eta futbola soilik interesatzen zaie. Partidaren egunean, ordea, dantza egiten jakitea futbolean jokatzeko abantaila bat dela konturatuko dira.

Jack Suzkotxima maltzurrak plan bat dauka surf-festa handia amesgaizto bilaka dadin. Bere helburua lortzen badu, marrazoek surflariak jango dituzte... Lehenbailehen geldiarazi behar dugu! Kortsario zahar baten eta gure lehengusu Siraren laguntzaz, agian lortuko dugu hondamena eragoztea.

Nork ez du amestu gorputzaren tenplua deskodetzearekin eta mugimendu bakoitzaren uneko magiari lotzearekin? Ez die ezerk ihes egiten gaztetxoenei, zeinek garbi ikusten baitituzte gauzak eta etengabe jasotzen baitute informazioa. Irudimen apur baten laguntzarekin, baloi magikoa etengabe jariatzen den bizitzaren energia garbia da.

Gure ikasgelaren historian lehenbiziko aldiz, gu baino zaharragoak garaitu genituen futbolean. Ez nekien oso ondo zer gertatzen zen, baina, bat-batean, ikaskide guztiak jauzika eta oihuka ikusi nituen nigana etortzen. Neskek, gainera, salto egin eta musu eman zidaten. «Aupa, Aupa! Onena zara!!!», oihukatzen zuten. Lisek ere musu eta besarkada bana eman zizkidan, eta ikaskideek bizkarrean hartu eta jolastoki osotik eraman ninduten, oihu artean: «Pin, pan, pun, Berraliluze txapeldun!».

A zer komeria, egun baten esnatu, eta nor zaren ezin gogoratu! Hori gertatu zaio gure laguntxoari. Arnasa sakon hartu du, eta begiak luzatu ditu; luze-luze-luze eta zabal-zabal-zabalik. Zer demontre gertatu da? Nola heldu naiz ni honaino? Luzatu ditu berriz bi begiak gora-gora-gora, eta garroak aurrera-aurrera-aurrera… Baina ezin ezer antzeman.

65 intsektu espezie biltzen ditu liburuak, Europakoak eta mundu osokoak: koleopteroak, lepidopteroak, dipteroak, himenopteroak, isopteroak... Artropodoek soilik, mundu guztiko animalien % 80 baino gehiago osatzen dute. Zientzialariek milioi bat intsektu baino gehiago katalogatu dituzte, baina kalkulatzen dute benetako kopurua bost eta hamar milioi espezie artekoa dela. Ororen gainetik, izaki hagitz baliagarriak dira, loreak polinizatzen laguntzen baitute eta beste animalia batzuen elikagai baitira.