Pinttori izugarri gustatzen zaio zinema. Egun batean, ametsetan, aktore bihurtuko da, eta cowboyaren, superheroiaren eta izarretako zaldunaren rolak jokatuko ditu. Magikoa da, benetan, zinema! Entzun musika doinuak, eta zinemaren munduan murgilduko zara zeu ere!

San Joan gaua heldu da Nerbioiko ezker ibarrera, eta Dani, Irene eta Simon egunsentian eraitsiko duten areto zahar batean sartu dira, lekua azkeneko aldiz ikusi asmoz. Ustekabean, antzinako film batetik sortua dirudien pertsonaia bitxi batek fardel misteriotsu bat emango die.

Aitonari ikaragarri gustatzen zaio argazkiak egitea, baina, zerbaitengatik, gaizki fokuratuta ateratzen zaizkio denak.

Katta eta lagunak zinemara joan ziren andereñoarekin, dinosauroen bizitza ezagutzeko. Baina bazen dinosauro bat… A zer-nolako larrian jarri zituen!

Mugtarrak bakarrik daude etxean, eta sakelako bat aurkitu dute. Bat-batean, ez dakigu nola, sakelakoaren pantailan harrapatuta gelditu dira! Eta Troti ere bai! Aterako al dira handik?

Mia robot esploratzailea Martera iritsi da. Buba da haren lagunik onena, baina patuak abentura handi bat ekarri die planeta honetan.

Aita-alaba batzuek elkarrekin eraikiko dituzte beren bizitzako oinarriak. Tresna bereziak erabiliz, lanari ekiten diote: oroitzapenak eraikiko dituzte gerora miresteko; etxe bat, biak babesteko; eta maitasuna, barrua berotzeko.

Liburu hau narrazio grafiko bat da, hitzik gabeko historia bat, azken 140 urteen joana erakusten duena. Mendebaldeko hiri batean giroturik dago, eta erdialdeko kale bateko eraikin baten bidez denboraren ibilbidea ikus daiteke ñabardura askori erreparatuta.

Mofeta, Kattagorri, Azeri, Hartzatxo, Ahate, Igel eta Untxi irribarretsu joaten dira eskolara, Gazela andereñoa denetan onena delako. Egun batez, gelara iritsi, eta Gazela ez dago bertan.

Ohartu al zara? Arrainak leihoan igerian al dabiltza? Teilatua liburuz egina al dago? Eta semaforo bat al dago etxeko ate parean?