Zu bezalakoak zirenean, batzuei bonba artean haztea egokitu zitzaien; besteei lanean hastea; beste batzuek familia utzi behar izan zuten entrenatu ahal izateko. Baina denek amestu zuten futboleko izar handiak izanen zirela. Eta lortu egin zuten.

Kira eta Argi bi adarbakar gazte dira. Adarbakarren Urteko Topaketatik bueltan, hango pozak instantean desagertu zaizkie, ondorengo uholde handian hiltzeko zorian daudenean. Onik daudela uste dutenean, ehiztari batzuek harrapatuko dituzte...

Mateo gazteari den-dena aldatu zaio kalean jotzen duen Malik tronpetari estatubatuarra lehen aldiz ikusi duenean. Musikaria jazz jotzaile ospetsua izan zen, eta haren iragana Mateok berarekin eta haren txakur Trumpetekin izango dituen bizipenekin tartekatuko da. Mutilak gero eta jakin-min handiagoa izango du.

Igo zaitez hegazkinera, eta gozatu aireratzen, zerutik mundua ikusten eta lur hartzen. Fiuuu, fiuuu!

Liburu honen egileek palestinar herriari erakutsi nahi diote ez dagoela bakarrik, musika eta artea baliatuz; horretarako, enpatiari, elkartasunari eta kulturartekotasunari ematen diote balioa. Gazaren eta Zisjordaniaren askatasun doinuaz salatu nahi dute haien egoera mundu osoan.

Egoik, Hego Poloko pinguino batek, hartz polarrak ezagutzea du amets. Egun batean, polora bidaiatzea erabakiko du, iparraldera, eta bidaia luze eta zirraragarri bati aurre egingo dio. Han, lagun berriak egingo ditu eta mundu liluragarri bat deskubritu. Zer abentura izango ditu zain itzultzean?

Rama 13 urteko mutil bat da, Sri Lankako familia txiro batekoa. Artzain lan egitera behartua, ia ezin da herriko eskolara joan, eta barre egiten diote, inoiz ez baitie irakaslearen galderei erantzuten. Gau batean amets berezi bat izango du, bere patuari aurre egiten lagunduko diona: Harresi Handirantz jo behar du.

1937ko martxoa da Durangon. Mirentxu aspaldian isilik dabil. Ez du hitz bakar bat ere egin, amama hil eta egun berean aita frontera joan zitzaionetik.

Amets handiak gordetzen dituzten liburu ttipiak, kutxa batean bilduak: Amaren bidaia, Erbia eta Dortoka, Bigarren aukera, Hankalata pirata, Opari ezberdin bat, Sandia-gidaria, Xirimiri eta Zazpi munstro eta katu bat.

Ohartu al zara? Arrainak leihoan igerian al dabiltza? Teilatua liburuz egina al dago? Eta semaforo bat al dago etxeko atean? Lehenengo begi kolpera, liburu honetako etxea arrunta irudituko zaizu, baina arretaz behatzen baduzu, berehala ikusiko dituzu hamaika gauza eta egoera xelebre.