Elefanteak begi bat kentzeko eta harekin, pilota bat balitz bezala, ping-pong-ean jokatzeko ohitura du. Egun batean, hain gora bota du begia, azkenean errekara erori baita, eta, aurkitu ezinean dabilenez, elefantea bere onetik irten da. Zenbat eta urduriago, orduan eta zailago begia aurkitzea. Baina hari begira zegoen neska batek emango dio konponbidea.

Zirkuan barre egiten dugu pailazoekin, zur eta lur uzten gaituzte magoek, harriduraz begiratzen diegu malabarista eta trapezistei… Baina gauza beldurgarriak ere badaude zirkoan. Ez da hala?

Nurri ikaragarri gustatzen zaio zirkua, betidanik; zirkua ez ezik, oso gustukoa du earthing egitea; alegia, belar gainean oinutsik ibiltzea. Halako batean, zirku miragarria aurkituko du Nurrek, ezustekoan, bere toki sekretuan.

Gaur egungo hiru ipuin dituzu liburu honetan, betiko eran kontatzeko; aukeran, ohera joan aurretik irakurri eta amets egiten laguntzeko. Hiru istorio eta hiru egia: azeri gosetiegia, erbikume ausartegia eta zuhaitz harroputzegia.

Elkarrekin hitz egiteko irudiak dira liburu honek proposatzen dituenak. Aukera eskaintzen du eguneroko bizitzako gertaeren edo egoeren inguruko irudiak elkarrekin ikusteko eta hortik abiatuta elkarrizketa bat izateko haurren eta helduen artean.

Liburu honetan, jokoak eta jarduerak aurkituko dituzu, oso modu dibertigarrian kontatzen ikasteko. Eranskailuak dauzka.

Abererik dibertigarrienak baserrian bizi dira. Belar ondua eta azenarioak jaten dituzte, lokatzetan jolasten dira, eta belarretan egiten dute lo. Ikusten al duzu ardia gozo-gozo jaten? Ikusten al dituzu ahuntzak gora eta behera? Eta non dago oiloa?

Gosez amorratzen zegoen otso zahar bati, ustekabean, arkumetxo bat etorri zaio bisitan, eta harekin erregosi goxo bat prestatzeko irrikaz dago. Arkumeak, ordea, ez du otsoaren afaria izan nahi, haren laguna baizik...

Migranteak, errefuxiatuak, erbesteratuak, bonbardaketak, indarkeria, gerra, gosea, beldurra, exodoa, kanpamentuak, haurrak, paterak, erreskateak, itotakoak, mugak, ilegalak… Isiltasuna. Zenbat muga zeharkatu behar dira etxera iristeko?

Bi umek albiste bat jasoko dute eskola eguna amaitzean: biharamunean bi immigrante helduko dira ikasgelara. Immigranteak? Hitz hori entzuten duten lehen aldia denez, esanahi posibleetan pentsatzen igaroko dute iluntzea: zer izango ote dira?