Rafael Moneo arkitektoa (Tutera, 1937) ohorezko kide izendatu du AEBetako Arte eta Letren Akademiak, Bob Dylan kantari estatubatuarrarekin, Luc Tuymans pintore belgikarrarekin eta Damon Galgut idazle hegoafrikarrarekin batera. Akademia 1989an sortu zuten, eta Bob Dylan da rock musikaren munduko aurreneko ordezkaria.
Sari eta aitortza garrantzitsuak jasoa da lehendik ere Moneo. Arnold W. Brunner Memorial saria jaso zuen 1993an, eta Pritzker saria 1996an. Egunotan New Yorken da, eta Cervantes Institutuak han duen egoitzan hitzaldia emango du gaur.
Rafael Moneo AEBetako Arte eta Letren Akademiako kide egin dute
Bob Dylanekin, Luc Tuymans pintorearekin eta Damon Galgut idazlearekin batera jaso du izendapena
Iruzkinak
Ez dago iruzkinik
Ordenatu
