Bilboko Kalealdia jaialdiak 28 konpainia eta 58 emanaldi hartuko ditu 22. aldian

KALEKO ARTEAK. Hilaren 28tik uztailaren 3ra egingo dute Bilboko 22. Kalealdia Kaleko Antzerkiaren eta Arteen Jaialdia. Nazioarteko zein Euskal Herriko 28 konpainiak 58 emanaldi egingo dituzte hiriko kaleetan, horietatik bost erabateko estreinaldiak; antzerki piezak ez ezik, dantza eta zirkua ere izango dira ikusgai. Bat izan ezik, ikuskizun guztiak doakoak izango dira, gonbidapena aurrez eskuratuta.