Ehun zaldi trostan

A-8 autobidearen mutur batetik bestera bizi da kontakizun sorta honetako protagonista, hiriaren eta baserriaren artean, bakoitzak bere nortasunaren alde bat elikatzen diola. Era askotako indarrek egiten dute talka haren baitan: habitat motek, harreman klase askotarikoek, erreferentzia kultural desberdinek…

Irenegandik abiatuta, pertsonaia sorta ñabar bat zabaltzen da istorio hauetan zehar, denak ere txirikorda batean korapilatuak, ipuinetik eleberrira doan bide batean legez. Gutxitan bezalako hizkera zehatz eta aberatsez ondua da Ignacio Aldecoa beka irabazitako lan hau, kontatzen duen munduari guztiz doitua eta lotua.