Artxibo biluzia

"Biluzik utzi ninduten, ez fisikoki, bai intelektualki”, idatzi zuen kartzelatik Joan Mari Torrealdaik, Euskaldunon Egunkaria auzian atxilotu zutenean eta Guardia Zibilak bere artxibo profesional eta pertsonala kendu zionean. Zer ote da artxibo gabe geratzea, memoria ukigarri gabe aurrera egitea. Metrokoadroka kolektiboak, Joan Mari Torrealdai bekaren babesarekin, gogoeta horri heldu dio, eta, antzezlanaz gainera, Artxibo biluzia liburu artistikoa osatu du, Danele Sarriugarteren testuarekin, Nagore Legarretaren argazkiekin, Maria Elorzaren ikus-entzunezkoarekin, eta “zer istorio nahi zenuke historiara pasatzea?” galderari antzezlanaren ikusleek emandako erantzunekin osatutako posterrarekin. Dena uztai karpeta baten barruan gorderik.

Neurriak 11x21 cm