Gaizkileen pare jarri dituzte Espainian sindikatuak eta ezkerreko gizarte mugimenduak, ez daudelako prest urteetan lortutako eskubideak galtzen uzteko. Kalea hartu dutelako, ez dutelako sinisten politika neoliberalek eragindako krisia gisa bereko neurriekin konponduko denik. Bankuei dirua ia doan ematen zaiela ikusten dutelako, herrialdeen zorra eros dezaten, gero interes handiagoak kobratzeko.
Etekina nondik atera eta non estutu argi ikusiko zuen Adegik ere, eta Hitzarmena zerbitzua sortu du, enpresariei lan hitzarmenen negoziazioan aholkua emateko. ELA, LAB, ESK, EILAS, CGT, EHNE eta Hiru sindikatuek, aitzitik, manifestaziorako deia egina dute hilaren 29rako. Mezu argi bat dute: «Ez dugu bake sozialik emango». Lan erreformak enplegurik sortu ez eta kaleratzea erraztuko eta merkatuko duela uste dute. Baina zeinek hartuko ditu aintzat halako etxekalteen esanak?
Islandian, nonbait, hobeak dira gaizkileak atzematen: Geir H. Haarde lehen ministro ohia epaitzen ari dira, hondoratzean izandako erantzukizunagatik.
Hizpideak
Gaizkileak, kalean
Iruzkinak
Ez dago iruzkinik
Ordenatu
