Ukrainatik itzuli ostean, Hibai Arbide Aza kazetariak kezkaz ikusten ditu han dabiltzan kazetarien kronikei buruz zenbait jendek plazaratutako zalantzak. Haren ustez, «mundu guztia gezurretan»  ari dela esateak despolitizatu egiten du egoera. «Hain zuzen ere, desinformazioaren helburua horixe da: despolitizatzea».

Egunero 15.000 eta 20.000 lagun artean aritzen dira jolasean Berbaxerkan. Hizkuntza gutxituetan izan du oihartzuna jolasak. BERRIAren webgunean dago euskaraz hitzak bilatzeko jolasa.

Mosku lurrez, itsasoz eta airez ari da Kieven kontra, baita ziberespaziotik eta informazioaren arlotik ere. Ukrainako Stop Fake fact checking plataformako zuzendari eta kazetari Fedtxenkoren ustez, Kremlinek informazioa erabili eta bere «kontakizuna garatu» nahi du.

Katalunian digitalizazio demokratikoaren aldeko Xnet kolektiboarekin lan egiten duen guraso sareko kide da Cecilia Bayo (Bartzelona, 1975). Iruditzen zaie ikasgelen digitalizazio prozesuak berme batzuk bete behar dituela, eta kezkatuta daude negozioa helburu duen multinazional bat sartu delako hezkuntza sisteman.

Euskarazko ikus-entzunezkoen finantzaketa publikoa handitu egin behar dela uste du Aginagaldek, «egoerari buelta emateko». Pantailak Euskaraz mugimenduko kidearen ustez, kezkagarria da euskarak ikus-entzunezkoetan duen egoera.

Sakelakoaren erabilerari buruzko hitzaldiak ematen ditu Miren Ros hezitzaileak (Eibar, Gipuzkoa, 1975). Uste du nerabeek ez dutela ulertzen sakelakoa, «eta gurasoek ere ez zeinen tresna potentea den». Horregatik, 16 urte izan arte sakelakorik ez edukitzea aldarrikatzen du.

Twitch sare sozialak euskara hizkuntza gisa onartzeko eskatu dute 4.000 lagunek baino gehiagok.

Zuzenekoak egiteko sare sozial bat da Twitch, eta, zuzeneko hori egin aurretik, zer hizkuntzatan ariko den hautatu behar du streamer edo twitzlariak. Gaur-gaurkoz, euskara ez dago aukeren artean. Hala ere, euskaraz geroz eta gehiago ari dira twitzlariak.

Tiktok aplikazioak arrakasta handia lortu du nerabe eta gazteen artean. Bertan ikus daitezkeen 15 eta 60 segundo arteko bideo labur horiek Interneten jabe bilakatu dira, hilean 800 milioi erabiltzailetik gora lortzeraino. Aplikazioaren erabiltzaile gehienak nerabeak eta gazteak dira, eta emakumezkoak.

Munduan erabiltzaile gehien duten sare sozialetako bat da. Gazteak dira erabiltzaile gehienak, hau da, 18 eta 34 urte bitartekoak. Komunikazio adituen ustez, tresna azkar eta erraza da. Soiltasunak bermatu dio nagusitasuna.