Osasunako entrenatzaile Jagoba Arrasatek saria jaso du euskararen alde egindako lanagatik. «Iruñera ailegatu zenetik, lehen mailara eraman du euskararen presentzia», nabarmendu zuen ekitaldian Reyes Ilintxeta esatariak.

D ereduan ikasita ez da beti menderatzen euskara, baina A eta B ereduetan ikasi duten asko, bereziki, euskara gutxi dakitela irten dira eskolatik hamarraldiotan; gerora ikasi dute askok.

Araba, Bizkai eta Gipuzkoarako Hezkuntza Lege berrian indarrean jarraituko dute hizkuntza ereduek.

Zuberoan desagertua zen Pitxu gaztetxea berpizteko elkartu ziren hainbat gazte iazko otsailean. Geroztik, ekinbide anitz antolatu dituzte hainbat gunetan. Gazte asanblada baino gehiago, «etxerik gabeko gaztetxea» direla erran dute.

Lehen aldiz Espainiako Kongresuan, diputatuek euskaraz, katalanez, galizieraz, asturieraz eta aragoieraz aritzeko aukera izan dute. Hizkuntza gutxituetan mintzatu ahal izateko Kongresuko araudia aldatzeko osoko bilkuran izan zen.

Euskaldunek Euskal Herrian bertan dituzten trabak salatu zituzten EH Bilduko eta EAJko ordezkariek.

Ama eskolan eta lehen mailan %43k izanen dute euskarazko irakaskuntza; 2019an %40,9 ziren. Bi puntu emendatu da lau urtean.

Bigarren maila bere osotasunean hartuta, Ipar Euskal Herriko ikasleen %21,3 dira ikasgelan euskaraz zerbait jasotzen dutenak; %18 ziren 2019an.

Errealitatetik ihesi, fantasian hartu zuen babes J.R.R. Tolkien idazleak. Ez ziren asko izan haren lan literarioak, baina eragin eta arrakasta handia izan dute guztiek. 'Eraztunen Jauna' liburuaren egilea da, besteak beste. Hil zela 50 urte bete dira irailaren 2an.

Lehenbiziko aldia da planeta batek eta bere izarrak euskarazko izenak dituztela. EHUk egindako proposamena onartu du Nazioarteko Astronomia Batasunak.

Beruna urtzeko moduko beroa egiten du planeta horretan, eta litekeena da harrizkoa izatea, eta burdinazko nukleo bat edukitzea.

Euskaldunen kopurua gutxi handitu da 2011tik, euskararen ezagutzari buruz Nafarroako Estatistika Institutuak egin duen ikerketa berri baten arabera. Ondorioztatu dute jaioterriak baldintzatzen duela errealitate linguistikoa. Izan ere, muga administratiboek mugatuta dago euskararen egoera. 

Hiketan mintzo da Oiartzun (Leitza, Nafarroa, 1966), 'Hika eta toka. Noka ere toka!' liburuaren egilea. Hamabost-hogei lagunen testigantzak bildu ditu liburuan, eta, hitanoz, garai bateko bizimoduaren berri eman diote.

Leitzako mintzamoldea jaso du berak, baina herri guztietarako balio dute hitanoaren gaitzek, eta konponbideak: «Belaunaldien arteko elkarlana».