Euskal Herriko Mugimendu Feministak deitu du azaroaren 30eko greba orokorrera, eta gehiengo sindikalaren babesa izan du. Arratsaldean manifestazio handiak egin dituzte hiriburuetan eta eskualdeetan.

Greba orokorra «ezeren amaiera ez» dela gaineratu dute, eta lanean jarraituko dutela hitzeman dute «euskal zaintza sistema publiko-komunitarioa» lortu arte.

Egunero ikusten ditugun irudi bortitzei buruz ari da bere iritzi artikuluan BERRIAko zutabegile Goizalde Landabaso kazetaria. Oso irudi gogorrak ikustera ohitu garela uste du, eta horrek zaildu egin dezakeela gertaeren larritasunaz ohartzea.

Pantailaren bestaldean dagoenarekin jolasteko eta sextingak pizten duen kitzikapenaz gozatzeko aukera dago egun. Gizakien desioa eta harremanak garai berrietara moldatuz doaz, eta gozatzeko aukera berriak ekarri ditu horrek.

Praktika horrek, baina, alde guztiek konfiantzan adostua izan behar du.

Argentinako hauteskundeen ondoko egoera du hizpide 'Berriketan' saioaren podcast honek. Javier Milei presidente berria nor den eta herrialdeko egoera zein den aztertzeko, Marcos Tedin eta Irune Lasa BERRIA egunkariko kazetariekin mintzatu dira. 

Argentinako hiru gazteren sentipenak ere bildu dituzte.

Erasotzaile nagusiak gurasoak dira, baina entrenatzaile eta jokalariek ere jarrera oldarkorrak izan ohi dituzte haiekin. Horren ordez, partidetan espazio hezitzaileak sortzea eskatzen dute epaile eta adituek.

Paula Guerra militante antirrazistak (Santiago, Txile, 1976) adierazi du teknologia arduraz erabili behar dela, estigmarik elikatu ez dezan. Izan ere, algoritmoak ere arrazistak izan daitezke, eta «botere harreman historikoak iraunarazi».

Europako Batasunak aurki onartuko du Adimen Artifizialaren Legea, eta aurrerapauso bat izango dela uste du, baina ez dela nahikoa.

Saez Lizarrako Berdintasun teknikari izan da urteetan, eta gertutik izan du Urbasako hilketa matxistaren kasuaren berri.

Indarkeria bikarioko kasua dela egiaztatuko balitz, hamabi lirateke 2003tik Euskal Herrian bortxa matxistaren ondorioz hildako haurrak.

Palestinarren erdiak Palestinatik kanpo bizi dira; hainbat, Euskal Herrian. Taher Ali (Madril, 1990) Europan jaioa da, eta 2020tik bizi da Bilbon. Senideak ditu Gazan; bi lehengusu hil dizkiote.

Al Yudur mugimenduko kidea da Ali. Palestinako diasporako gazteek osatzen dute Al Yudur —erroak esan nahi du, arabieraz—, eta haien sustraiei lotuta mantentzea dute helburu.

Erberhard Jurgalski dokumentalistak eginiko ikerketa eta neurketa zehatzen arabera, orain arte hamalau zortzimilakoak igo dituzten mendizale gehienak ez ziren Manaslu, Annapurna eta Dhaulagiri mendien punturik altuenera igo.

Hori dela eta, Reinhold Messner eta Edurne Pasaban kendu egin dituzte Guinness errekorren liburutik.