Sare sozialek, liburuek eta telesailek guztiz aldatu dute nerabeek sexualitateaz duten ikuspuntua. Carmen Ruiz Repullo soziologoaren erranetan, neskak «hipersexualizaziora» bultzatzen dituzte harremanetan, eta mutilak, berriz, «sexu demostraziora».

Daniel Garcia iruindarrak animalion inguruko lan bat egin du, eta «harrituta» gelditu da emaitzekin: dragoitxoak Nafarroako uste baino toki gehiagotara iritsi dira. Mediterraneoko espezie bat da, baina, trenetara igota, bertze hainbat eremu hartu ditu.

Cambrils herrian (Tarragona, Katalunia) udan aurkitu duten koaderno baten jabearen bila idatzi du bere zutabea Garazi Kamio Anduaga kazetari eta idazleak. Araitz izena dakar koadernoak azalean idatzita, eta Pello Añorga ipuin kontalari eta idazlearen sinadura barruko orrialdeetan.

Nerabeak eta gimnasioa ditu hizpide Berriketan saioaren atal honek. Geroz eta gehiago dira gimnasiora joaten diren nerabe eta gazteak, gorputza eraldatzeko asmoz, eta askotan erabilera oker eta kaltegarria egiten dute. Gaiaren inguruko gako nagusiak azaldu dizkigu Jone Arruabarrena Gipuzkoako Hitza-ko kazetariak.

Sare sozialek duten potentzial positiboa bigarren mailara pasatu dela uste du heziketa digitalean aditu Julen Linazasorok. Horregatik, sare sozialak erabiltzeko adina 18 urtekoa izan behar ote den eztabaidatzeko garaia iritsi dela uste du.

Hausnartu, norberaren burua zaindu, sare sozialetan zentzu kritikoa garatu... Esti Ansotegi psikologoak (Zornotza, Bizkaia, 1976) kontu horiek eta gehiago izaten ditu hizketagai bere hitzaldietan. Etxea babesgune bihurtzearen garrantzia goratu du.

Arabako, Bizkaiko eta Gipuzkoako gazteen sare sozialen erabilera aztertu du Gazteen Euskal Behatokiak; hamarretik zazpi hiru saretan baino gehiagotan dabiltza egunero.

Gazteen %98k esan dute gaztelera erabiltzen dutela, eta %62k ingelesez aritzen direla. Hirugarren postuan dago euskara.

Euskarazko eduki digitalak kontsumitzeaz gain ekoizten ere hasteko, Memeka lehiaketa antolatu dute Iametzak eta Azkue fundazioak.

15 eta 18 urte bitartekoentzat pentsatua dago, eta apirilaren 21era arte dago memeak sortzeko aukera.

Maiatzaren 3an iragarriko dituzte irabazleak, eta 200-150 euroko sariak banatuko dituzte.

Robert Louis Stevenson idazlearen Botilako deabrua ipuinaren istorioa gogorarazi dio Kirmen Uribe idazleari sakelako telefonoen egungo erabilerak. Idazlearen iritziz, ia denek daramate deabrua patrikan sartuta.

Iritzi berekoa izan ei da New Yorkeko alkate Eric Adams; izan ere, gazteen buru osasunari kalte egiten dietelakoan, salaketa jarri die sare sozialen bost konpainia handiri.