AEBetan eta nazioartean bakea bermatuko duela errepikatu du Donald Trump AEBetako presidente hautatu berriak; besteak beste, esan du gauza dela Ukrainako gerrari irtenbide bat emateko. Halere, ez du zehaztu asmo horiek nola beteko dituen.

Gobernuak emakumezkoen janzkera gehiegi kontrolatzen duela salatzeko, oraindik identifikatu ez duten ikasle batek kalera barruko arropa soilik jantzita irtetea erabaki zuen joan den astean, Teheranen. Atxilotu egin zuten, eta oraindik ez dago haren berririk.

Etxebizitza duin bat lortzerik ez duten familien egoera du hizpide Berriketan saioaren atal honek. Fawzi Xerifen familia logela bakarrean bizi da Iruñean. 450 euro ordaintzen ditu familiak etxe duen gela bakarrarengatik.

Haienean izan da Edurne Elizondo Nafarroako Hitzako zuzendaria, eta haien egoeraz hitz egin du.

Iazko urriaren 7tik, urtebetean, Israelgo armadak 41.788 pertsona hil ditu Gazako eremu estu eta populatuan; alegia, Basauriko (Bizkaia) biztanle guztiak baino gehiago. Eta 96.359 lagun zauritu ditu; alegia, Barakaldoko (Bizkaia) biztanle ia guztiak zauritu balitu bezala.

Atef Abu Saif idazle palestinarra Donostiako Zurriola ikastolan izan berri da. Ikasleen galderak erantzun zituen, eta Gazako herritarren eguneroko gordinaren berri eman.

Talibanek emakumeen kontrako bertze lege bat ezarri dute: Afganistanen ezin izanen da emakumeen ahotsik aditu leku publikoetan. Etorkizuna «beltz» ikusten du Hoda Khamox Afganistango aktibistak.

2017an, Euskal Herritik kanporatua izateko zorian izan zen Cheikhouna Dieng senegaldarra. Orain, egoera berean da haren lehengusua, Moussa Diagne. Lehen bezala orain, herritarren elkartasuna giltzarri izan daiteke paperak lortzeko bidean.

Poloniaren eta Errusiaren arteko preso truke baten harira, Errusiara eraman dute. Vladimir Putin Errusiako presidenteak berak egin zien harrera elkarrekin trukaturiko presoei, Moskun.

Poloniako espetxe batean bi urte eta bost hilabete eman ditu preso Gonzalezek.

Patriarkatua, antitziganismoa eta klasismoa gurutzatzen dira emakume ijitoen bizitzan, Kera elkarteko Palmira Dualek (Irun, Gipuzkoa, 1996) azaldu duenez.

Euskara eta erromania batzen dituen hizkeran, erromintxelan, kera hitzak etxea esan nahi du. Hain zuzen ere, Kera elkarteko kideek zera nahi dute, Euskal Herriko emakume ijitoak «etxean bezala» sentitzea haienean daudenean.