Euskal Herriko Eskolarteko Bertso Txapelketa irabazi du bigarren aldikoz Aizpurua Ibargaraik (Sara, 2006). Aste bat lehenago, Ipar Euskal Herrikoa irabazi zuen. Heldu den urtekoa azken eskolartekoa izanen du, 18 urtera heltzearekin. Baionako Bernat Etxepare lizeoan da ikasle, eta eskubaloian ari da Hendaian.

Euskal Herriko kuadrillen oinarriak txikitatik ezartzen dira, eta arau jakin batzuk bete behar dira egitura horren barruan irauteko. Hala ere, bertan sortzen diren dinamikek, botere harremanek eta hierarkiek batez ere Euskal Herrian jaio ez direnen bidea oztopatzen dute.

Zer behar dute gazteek? Euskaratik ditugun erronkak aletzen jardunaldiak egin dituzte, Euskalgintzaren Kontseiluak antolatuta. Gazteei hitza emateko baliatu nahi izan zituzten, bereziki.

Han jasotakoak buruan bor-bor ditu oraindik Kontseiluko proiektuburu Amets Arangurenek (Iruñea, 1998): besteak beste, euskara gaitasun nahikoa duten irakasleak behar direla, hezkuntzan euskara izan gabe ezin dela euskaldundu, eta euskarazko edukirik ez dagoela ikus-entzunezkoetan.

Suspertu programak egindako azken ikerketen arabera, Nafarroako gazteak 13,6rekin hasten dira alkohola edaten, 14,3rekin tabakoa erretzen, eta 14,9rekin, berriz, kalamua kontsumitzen.

«Nerabeak zenbat eta goizago hasi alkohola edaten, orduan eta arrisku handiagoa bertze substantzia batzuk kontsumitzeko», ohartarazi dute.

Muskizko institutuko batxilergoko ikasleek kazetaritza landu dute BERRIA Ikasgelarekin elkarlanean, eta elkarrizketa egin diote Maddi Etxeberria Otaegi nutrizionistari.

Kazetaritzak aukera asko eskaintzen ditu aktualitatea baliatuz hezkuntzako curriculumak lantzeko, eta euskarazko egunkaria bide hori aztertzen eta garatzen ari da.

Hiketan mintzo da Oiartzun (Leitza, Nafarroa, 1966), 'Hika eta toka. Noka ere toka!' liburuaren egilea. Hamabost-hogei lagunen testigantzak bildu ditu liburuan, eta, hitanoz, garai bateko bizimoduaren berri eman diote.

Leitzako mintzamoldea jaso du berak, baina herri guztietarako balio dute hitanoaren gaitzek, eta konponbideak: «Belaunaldien arteko elkarlana».

Martxoaren 8aren ingurumarian herriko institutuan agertu ziren pintaketa matxistak hartu dituzte hizpide iritzi artikulu honetan Ane Labaka Maiozek eta Mariñe Arbeo Astigarragak.

Horrelakoak zergatik gertatzen ote diren egin dute galdera: heziketak huts egiten duelako ote? Edota emakume gazteak dagokien espazioa betetzen hasi direlako sortu diren erreakzioak dira?

'Go!azen' telesailak balio etikoetan oinarritzen den hezkuntza eskaintzen ote duen ikertu dute Leire Jungituk eta Sara Osuna Acedok.

Telesailaren 8.0 denboraldiak izan ditzakeen aniztasun mezuak identifikatzea eta horiek hezkuntzan izan dezaketen eragina zehaztea izan dira egindako lanaren xede nagusiak.

Martxoaren 18an jakinarazi zuen berria Frantziako Hezkuntza Ministerioak. Ordea, baxoko azterketak frantsesez egin dituzte Seaskako 120 ikaslek. Brebetaren ondotik, baxoa euskaraz egiteko eskubidea emateko eskatu dute beste behin.