K-popa, edo Koreako popa, Hego Korean sortutako musika genero bat eta kultur fenomeno bat da. Fenomenoa Euskal Herrian zabaldu da, besteak beste, Ainhoa Huizi Rodriguez (Gasteiz, 2002) dantzariari esker. Bere bizitzaren parte garrantzitsu bat bilakatu zaio, eta Euskal Herriko komunitatearekin lantzeko aukera dauka.

Derrigorrezko Bigarren Hezkuntzako irakasle Unai Artabe Oleak uste du irakasleek alboratu egin dituztela klase magistralak, eta salatu du «irakaskuntza mekanizistarekin» nahasten dela irakasteko modu hori.

Haren irudiko, «hezkuntza modernoak» ezin du gaitzetsi klase magistrala, behar-beharrezkoa baita: «Izan ere, ikasleak ezin ditu ezagutzak hutsetik eraiki».

Tabako paketeen prezioa hamahiru eurora igo nahi du Frantziako Osasun Ministerioak 2027rako. Hurrengo urtean hasiko dira paketeak garestitzen.

Neurri berriekin, erretzailerik gabeko belaunaldi bat lortzea dute helburu 2032rako.

Pantailaren bestaldean dagoenarekin jolasteko eta sextingak pizten duen kitzikapenaz gozatzeko aukera dago egun. Gizakien desioa eta harremanak garai berrietara moldatuz doaz, eta gozatzeko aukera berriak ekarri ditu horrek.

Praktika horrek, baina, alde guztiek konfiantzan adostua izan behar du.

Erasotzaile nagusiak gurasoak dira, baina entrenatzaile eta jokalariek ere jarrera oldarkorrak izan ohi dituzte haiekin. Horren ordez, partidetan espazio hezitzaileak sortzea eskatzen dute epaile eta adituek.

Zuberoan desagertua zen Pitxu gaztetxea berpizteko elkartu ziren hainbat gazte iazko otsailean. Geroztik, ekinbide anitz antolatu dituzte hainbat gunetan. Gazte asanblada baino gehiago, «etxerik gabeko gaztetxea» direla erran dute.

Palestinarren erdiak Palestinatik kanpo bizi dira; hainbat, Euskal Herrian. Taher Ali (Madril, 1990) Europan jaioa da, eta 2020tik bizi da Bilbon. Senideak ditu Gazan; bi lehengusu hil dizkiote.

Al Yudur mugimenduko kidea da Ali. Palestinako diasporako gazteek osatzen dute Al Yudur —erroak esan nahi du, arabieraz—, eta haien sustraiei lotuta mantentzea dute helburu.

Save the Children erakundeak umeen kontrako sexu erasoei buruzko sententziak aztertu ditu. Prozesu judiziala luzatu egin dela ondorioztatu du; EAEn, adibidez, bi eta hiru urte bitarte irauten du.

Biktimaren profila nahiko zehatza da: neska eta 10-14 urte bitartekoa. Erasotzaileei dagokionez, %80 inguru ezagunak izan ohi dira umearentzat.

BERRIAko telebista kritikari Lide Hernandok 'Porno Belaunaldia' dokumentala hartu du hizpide bere iritzi artikuluan. Filmean ageri diren nerabeen testigantzen balioa goraipatu du, gaiaz zeinen argi eta lasai mintzo diren nabarmenduz.

Dokumentalari esker, pornografiak eragiten dituen hainbat ondorio negatiboez jabetu da Hernando, eta, beraz, halako lanak egitea garrantzitsua dela uste du.