'Memeka.eus' proiektua memeak egin eta zabaltzeko plataforma bat da, nerabeek euskara «modu ludikoan» erabil dezaten, «euren sentimenduak adierazteko, egoera bat azaltzeko edo, besterik gabe, lagunekin dibertitzeko».

Milagarren zenbakia argitaratu du maiatzaren 28an 'Mantangorri'-k, BERRIAren haurrentzako gehigarriak, eta festa batekin ospatu dute, Txillida Lekun.

Bertako langile izandakoek eta gaur egun bertan dabiltzanek, atzera begira jarrita, maitasunez hitz egiten dute egunkariko «kuttunaz».

Eusko Jaurlaritzak hezkuntza teknopedagogikorako aurkeztutako plana burujabetza digitalaren aurkako norabidean doala irizten dio Iratxe Esnaolak (Zarautz, Gipuzkoa, 1981), eta «eskandalutzat» jo du hezkuntzan multinazionalen alde egitea: «Norabidea aldatu behar da». Software librea «sutsuki» defendatu du.

Pandemiak kalte egin die haur, gazte eta nerabe askoren oreka emozionalari eta buru osasunari: lehendik zeuden gaitz batzuk areagotu egin ditu, eta patologia berriak azaleratu. 

Buruko eritasunen bat duten nerabeen artaren hutsuneak lehen pertsonan azaldu ditu Erika Rio gazteak.

Alberto Barandiaran kazetariak 'Ez duzu abusatuko' liburua (Txalaparta, 2017) kaleratu zuen Iñigo Astiz eta Miren Rubiorekin batera. Euskal Herriko Elizako pederastia kasuei buruzko lehen liburua da; 50 elkarrizketa baino gehiago egin zituzten lana osatzeko, eta hainbat kasu berri argitaratu.

ETB1en 'Irabazi arte!' telesailaren lehen atala liderra izan da haur eta gazteen artean. Hain zuzen ere, ikusle nerabeentzako telesail bat da, baina nabarmendu dute «familia guztiarentzako telesail bat egiten» saiatu direla. Futbolean jokatzeko elkartzen den neska talde bat da protagonista.

LGTBI gazteen egoera aztertu du Gasteizko Gazteria Zerbitzuak 'Maskarilla, kuadrilla eta ezpain margoa' txostenean. Pandemia garaian egoerak okerrera egin duela ondorioztatu dute.

Iruñeko Gaiarren 'Handitzean musikari izan nahi dut!' ikuskizun koloretsua eskainiz hasi du urtea Iruñeko Gazte Orkestrak. Haren zuzendari eta sortzaile da Mirari Etxeberria (Andoain, Gipuzkoa, 1998).

Ikuskizuna obra sinfoniko askoko programa da, eta Mikel Donazarrek zuzendu du. Emanaldian garrantzi handia izan zuen publikoaren eta musikarien arteko hartu-emanak.

Gazteen egoeraz idatzi du iritzi artikulu honetan Katixa Agirre idazle eta EHUko irakasleak. Pandemiak agerian utzi dituen arazoez ari da, osasun mentalari buruz, besteak beste. Uste du gaur egungo gizarte ereduan bilatu behar direla arazo horien jatorria eta arrazoiak ulertzeko gakoak.