Lerroburuak sexu erasoei buruzko aipamenez josi dira berriz, agertokiak askotarikoak izanik ere: berdin da den eskola, den eliza, den osteopatia kontsulta. Besteak beste, Patxi Ezkiagaren zein Getxoko ikastetxe bateko irakasle baten kontrako salaketak izan dituzte hizpide BerriaFMn podcastean. Eta ideia bat azpimarratu dute: biktimari sinestearen garrantzia.

Patriarkatua, antitziganismoa eta klasismoa gurutzatzen dira emakume ijitoen bizitzan, Kera elkarteko Palmira Dualek (Irun, Gipuzkoa, 1996) azaldu duenez.

Euskara eta erromania batzen dituen hizkeran, erromintxelan, kera hitzak etxea esan nahi du. Hain zuzen ere, Kera elkarteko kideek zera nahi dute, Euskal Herriko emakume ijitoak «etxean bezala» sentitzea haienean daudenean.

Espainiako Kopako finala jokatu du Realak, eta lehenbiziko mailara igotzear izan da Osasuna. Biek egin dute kale, baina BerriaFMri abagune ederra iruditu zaio emakumezkoen futbola izateko hizpide.

Ainhoa Tirapu, Ane Azkona, Arene Altonaga eta Jone Bastida lagun, hizpide izan dituzte lan baldintzak, ikusgaitasuna, futbol sistemaren barreneko biolentziak eta egiteko dagoen bidea [seigarren minututik aurrera].

Txikitatik ezagutzen dute elkar Kami Magassak (2003) eta Mariam Traorek (2006). Malin jaiotako iruindarrak dira, eta Black Power kolektiboko kideak. Afrikar jatorriko hogei emakume gazte inguruk egin dute bat talde horretan, arrazakeriaren aurka lan egiteko.

Mariasun Landa idazleari (Errenteria, Gipuzkoa, 1949) Emakunde saria eta Gutun Zuria jaialdiaren saria eman dizkiote berriki. Lau hamarkadako literatur ibilbidea txalotu diote, haur eta gazte literatura modernizatzeko egin duen ekarpena laudatu, eta iruditeria berdinzale bat sustatu izana eskertu.

Emakumeak Zientzian egitasmoak 8. aldia izango du otsailean.

Zientzia «nesken kontua» ere badela zabaldu nahi dute sustatzaileek, eta ikerlarien inguruan dauden estereotipoak amaiarazi.

Euskal kantagintza berriko ahotsetako bat izan zen 1970eko hamarkadan, eta euskararen eta feminismoaren alde jardun zuen. Ibilbidearen azken urteetan, musika klasikoaren eremuan aritu zen.

Angelun bizi zen (Lapurdi), eta 80 urterekin hil da.

Sare sozialetan edonork edozer idatz dezake, kasu gehienetan ezizen batek ezkutatuta. Horiek horrela, irain zein gorroto mezuen plaza birtualak bilakatzen dira plataformak, eta horietako asko eraso matxistak izaten dira.

Sare sozialetarako erantzun kolektibo feminista berria behar dela diote bertan aritzen diren aditu feministek.

Asaldatuta esnatu zen Gernika (Bizkaia) abenduaren 17an, jakin zenean emakume batek salaketa jarria diola Mario Lopezi, Gernika Lointek saskibaloi taldeko entrenatzaile ohiari, 13 urte zituenean hainbatetan bortxatzea egotzita.

Gernikako Sare Feministak berehala agertu zuen biktimarekiko elkartasuna.