Enpresek eta bertzelako erakundeek indarkeria matxistaren kontrako protokoloak dituzte, baina horrek ez du ziurtatzen erasoari erantzun egokia emanen zaionik.

Iñigo Errejonen kasutik abiatuta, indarkeria kasu hauek salatzeko dauden zailtasunak, egoera horiei aurre egiteko moduak eta alderdiek erantzuteko dituzten tresnak eta gabeziFalta, hutsune.
ak azaldu ditu Isabel Jaurena feminismo gaiak lantzen dituen BERRIAko kazetariak.

Gobernuak emakumezkoen janzkera gehiegi kontrolatzen duela salatzeko, oraindik identifikatu ez duten ikasle batek kalera barruko arropa soilik jantzita irtetea erabaki zuen joan den astean, Teheranen. Atxilotu egin zuten, eta oraindik ez dago haren berririk.

Urte berean hil ziren orain 80 urte arte abstraktuaren aitzindaritzat jotzen diren bi artistak: Wassili Kandinski eta Hilma af Klint. Kandinskik jaso du aitortza, baina jakina da Af Klintek hark baino lehenago ere sortu zituela lan abstraktuak.

Sare sozialek, liburuek eta telesailek guztiz aldatu dute nerabeek sexualitateaz duten ikuspuntua. Carmen Ruiz Repullo soziologoaren erranetan, neskak «hipersexualizaziora» bultzatzen dituzte harremanetan, eta mutilak, berriz, «sexu demostraziora».

Talibanek emakumeen kontrako bertze lege bat ezarri dute: Afganistanen ezin izanen da emakumeen ahotsik aditu leku publikoetan. Etorkizuna «beltz» ikusten du Hoda Khamox Afganistango aktibistak.

Martxelo Otamendik hizpide ditu bere zutabean Alex Sardui Gatibu taldeko kantariak eginiko azken adierazpenak. Kantariak esan zuen musikan ez dagoela genero diskriminaziorik, eta Otamendik dio esparru guztietan dagoela diskriminazioa, emakumeek gizonei behin eta berriro gogoratu dieten bezala.

Seme-alabei paratzen zaien abizena du hizpide 'Berriketan' saioaren atal honek. Historikoki aitaren abizenari lehentasuna ematea izan da joera, baina XXI. mendean gurasoek aukera dute haurrari zein abizen paratu erabakitzeko.

Lehenengo aldiz desfilatu du Jaizkibelek konpainia gisa, eta alarde baztertzaileak bizkarra eman dio: ez du udalaren ebazpena bete, eta ez da Jaizkibelen ondoan egon Gernikako Arbolatik atera denean.

Ordea, indar erakustaldia egin du Jaizkibelek. Bete egin ditu kaleak, eta erakutsi du gero eta gehiago direla aldarri parekidearekin bat egiten dutenak.

Konpainia parekideak irailaren 8rako baimena eskatu zion udalari, eta onartu egin dio. Orain arte, manifestazio moduan desfilatu behar izan dute.

Konpainiak adierazi du erantzun hori «historikoa» dela, herrian inoiz ez delako halakorik gertatu: udalak berak aitortza egitea berdintasunaren alde egiten duen konpainia bakarrari.