Igor Leturia Azkaratek (Arrasate, Gipuzkoa, 1971) urteak daramatza hizkuntzaren prozesamenduaren arloan lanean, eta bera ere ezustean harrapatu du azken urteetan izandako bilakaerak. Euskara ondo kokatuta ikusten du, baina gehiago behar dela dio.

Aurten bete dira 50 urte haurren lehen bertso eskola sortu zela. Eskoriatzako Almen ikastolan sortu zuten, eta, pixkanaka, eskualde osora zabalduz joan ziren eskolak.

Aurten jokatzen ari den Gipuzkoako Bertsolari Txapelketan eskola hura omentzea erabaki dute.

Hogei urte bete dira Martin Ugalde zendu zenetik. Haren literaturak sarritan jarri zuen ardatzean herrimina, eta, 'Hiltzaileak' argitaratzean, euskal ipuingintza modernoaren hastapena markatu zuen.

Euskarazko prentsaren historiari buruzko zortzi minutuko animazio bideo batekin ekin dio aurtengo ikasturteari Ikusgelak, euskarazko bideo pedagogikoen atariak.

Urte honetako berritasuna historiaren gaineko saila izango da.

Cambrils herrian (Tarragona, Katalunia) udan aurkitu duten koaderno baten jabearen bila idatzi du bere zutabea Garazi Kamio Anduaga kazetari eta idazleak. Araitz izena dakar koadernoak azalean idatzita, eta Pello Añorga ipuin kontalari eta idazlearen sinadura barruko orrialdeetan.

Batxilergoko ikasleekin akordio bat egin du Danel Abando irakasleak: astegunetan euskarazko artikulu bat irakurtzea komunean kaka egiten ari diren bitartean. Irakasleak bidali dizkie artikuluak, ulermena landu eta lexikoa aberasteko asmoz.

Nastat estatistika institutuak euskararen ezagutzari buruzko ikerketa argitaratu du. Herritarren artean %15,1 euskaldunak dira. Gazteen artean, berriz, laurdenak.

15 urtetik beherako gazte euskaldunen portzentajea apenas mugitu den azken urteetan: egungo hezkuntza sistemagatik dela uste dute adituek, ez baitu bermatzen hazkunde handiago bat.

Hamar ikastetxek aurkeztu dituzte lanak sariketara, orotara 80 lan. Lan horiek bidali dituzten 22 ikasgelen artean egindako zozketaren saria irabazi dute Andoaingo (Gipuzkoa) ikasleek. 'Ikasleen lanak' izeneko Ikasgelaren atal berrian bistaratuko dira lanak.

Latxa eredu linguistikoak ChatGPTren lehen bertsioa gainditu du EGAren atariko proba egiten, eta Trivialen. Orain helburua da Latxa erabiltzaileekin harremanetan jarduteko prestatzea. Urtebete barru-edo emaitzak espero dituzte.