Hamaika plazatan jo zuen Maurizia Aldeiturriaga pandero jole bizkaitarrak, eta Euskal Herriko plazandre erreferente bilakatu da.

1936ko gerra hasi aurretik, jaiegun handietako plaza emanaldietan aritzen zen. Gerrak eten zion ibilbidea, baina 1960ko pizkundearekin berragertu zen berriro. Egungo artista askok hartu dute oinarri haren lana.

'Badok' BERRIAren euskal musikaren atariak Kantok jolasa sortu du: kantu baten pasartea entzunda, abestia asmatu behar da. Egunero kantu ezberdin bat jarriko dute, 'Badok'-en datu basean entzungai dauden 32.000 abestietako bat.

«Teknologiaren kuriositate hutsak bultzatuta» egin dute 'Gora bizitza (eta esplorazioko beste zenbait aurrebaldintza)' singlearen bideoa.  Ikasteko erabili dute prozesua: «Sormenaren inguruko gogoeta egin dezagun; ez gaitezen erori teknika aurrerabidearen miresmen hutsean». 

Badok euskal musikaren atariaren 'Dunbala' podcastean, Tibalt Alberdi elkarrizketatu dute. Gitarra euskaraz eduki sortzailea da Twitchen eta Youtuben, eta bere proiektuaren berri eman du. Urteko lanik gogokoenen zerrenden harira, iazko zenbait kanta ere izan dituzte hizpide podcastean.

Trapa 1990eko hamarkadan jaio zen, AEBetan, baina azken lauzpabost urteotan egin du eztanda Euskal Herrian. Genero maitatua da askorentzat, baina kritika jomuga ere izaten da hainbatetan.

Ahotsari jarritako filtroek, hizkera sarri diglosiko eta zikinak eta kantuetako mezu garratzek asaldura eragiten dute zenbait esparrutan. Haren arrakasta, baina, ukaezina da jadanik.

Joseba Tapiari eman diote aurten Adarra saria, Donostiako Viktoria Eugenia antzokian. Kontzertu bat eman zuen ondoren, lagunez inguratuta. Izan ere, Tapiak (Lasarte-Oria, Gipuzkoa, 1964) agertokia du bere lekua, lanerako eta dibertitzeko gunea.

Lanarteak, Euskararen Langile Profesionalen Elkarteak, lanari buruzko hiru abesti zerrenda osatu ditu, Maiatzaren Lehena Langileen Nazioarteko Eguna aitzakiatzat hartuta. BERRIAren euskal musikaren atari Badok-en daude entzungai.

Amaia Zubia kantariak jaso du 2021eko Adarra saria, Donostiako Udalak urtero ematen duena Musikaren Europako Egunean —ekainaren 21ean—. Berrogei urtetik gorako ibilbidea egin du kantagintzan, eta bidearen zati handi bat Txomin Artolarekin batera egin du. Harro dago egindakoaz, uste baitu bere kantuak denborarekin ez direla alferrik galdu.

2021ean beteko zukeen mende bat Mixel Labegueriek, «kantugintza berriaren aita» erraten ziotenak. Musikariak iraultza ekarri zuen kantugintzara, bai erabili zituen hitz abertzaleengatik, baina baita melodietara ekarri berrikuntzengatik ere. Medikua, etnografoa eta politikaria ere izan zen.