Saran (Lapurdi), haren hotela hartua zuten naziek. Eta, hala ere, erresistentziarekin kolaboratu zuen Maria Josefa Sansberro 'Maddi' oiartzuarrak, jazarriei muga zeharkatzen lagunduz. Lehenago, 36ko gerrako iheslariei lagundu zien muga pasatzen.

Izarraitz Villaluzek eta Joxe Mari Mitxelenak Sansberroren figura berreskuratu dute hainbat agiri eta lekukotza bildu ostean; Edurne Portela idazleak fikzioaren bidez biribildu du haren soslaia Maddi y las fronteras liburuan.

Frantziako Gobernuko Hezkuntza ministroak onartu egin du eskaera, eta ariketen azalpenak ere euskarara itzulita eskainiko dituzte.

Korrikak Azterketak Euskaraz kolektiboa omendu du. Seaskako lehendakari Peio Jorajuriak nabarmendu du borrokan jarraituko dutela Ipar Euskal Herriko ikasleek baxoa euskaraz pasatzeko aukera eduki arte.

Euskal kantagintza berriko ahotsetako bat izan zen 1970eko hamarkadan, eta euskararen eta feminismoaren alde jardun zuen. Ibilbidearen azken urteetan, musika klasikoaren eremuan aritu zen.

Angelun bizi zen (Lapurdi), eta 80 urterekin hil da.

Urtarrilean herriz herri ibiliko da pagolarren maskarada; kauter taldearen buru izanen da Ainara Agerre Lako (Jutsi, Nafarroa Behera, 2001), Kabana Handiaren rolean. Lehen aldiz izanen da emazte bat kargu horretan.

Urtarrilaren 21ean izango da maskaraden lehen emanaldia, Pagolan bertan (Nafarroa Behera).

«Euskararen aurkako jazarpenaren eta euskaldunen bizitzeko gogoaren historia» kontatzen du Josu Martinezek zuzendutako filmak. 1914tik 1982ra bitartean gertatzen diren bost istoriok osatzen dute filma.

Filma «Euskal Herri osoko ahalik eta herri gehienetan proiektatzea» dute helburu.

Tabako paketeen prezioa hamahiru eurora igo nahi du Frantziako Osasun Ministerioak 2027rako. Hurrengo urtean hasiko dira paketeak garestitzen.

Neurri berriekin, erretzailerik gabeko belaunaldi bat lortzea dute helburu 2032rako.

Maite Urmeneta irakasleak egin du 'Historia XIX. mendea' liburua, kolegioko laugarrenekoentzat. Ipar Euskal Herriko ikasleei erakusten ez zitzaizkien gertaerak jaso ditu lanean.

Frantziako Hezkuntza Ministerioko ordezkariak ontzat eman du.

Zuberoan desagertua zen Pitxu gaztetxea berpizteko elkartu ziren hainbat gazte iazko otsailean. Geroztik, ekinbide anitz antolatu dituzte hainbat gunetan. Gazte asanblada baino gehiago, «etxerik gabeko gaztetxea» direla erran dute.