Lerroburuak sexu erasoei buruzko aipamenez josi dira berriz, agertokiak askotarikoak izanik ere: berdin da den eskola, den eliza, den osteopatia kontsulta. Besteak beste, Patxi Ezkiagaren zein Getxoko ikastetxe bateko irakasle baten kontrako salaketak izan dituzte hizpide BerriaFMn podcastean. Eta ideia bat azpimarratu dute: biktimari sinestearen garrantzia.

Nerabeak eta gimnasioa ditu hizpide Berriketan saioaren atal honek. Geroz eta gehiago dira gimnasiora joaten diren nerabe eta gazteak, gorputza eraldatzeko asmoz, eta askotan erabilera oker eta kaltegarria egiten dute. Gaiaren inguruko gako nagusiak azaldu dizkigu Jone Arruabarrena Gipuzkoako Hitza-ko kazetariak.

Espainiako Kopako finala jokatu du Realak, eta lehenbiziko mailara igotzear izan da Osasuna. Biek egin dute kale, baina BerriaFMri abagune ederra iruditu zaio emakumezkoen futbola izateko hizpide.

Ainhoa Tirapu, Ane Azkona, Arene Altonaga eta Jone Bastida lagun, hizpide izan dituzte lan baldintzak, ikusgaitasuna, futbol sistemaren barreneko biolentziak eta egiteko dagoen bidea [seigarren minututik aurrera].

Gazako zerrendako egoera du hizpide 'Berriketan' saioaren atal honek. Duela 76 urte sortu zen Israel, eta 700.000 palestinar baino gehiago etxea uztera behartu zituzten. Nakba (Hondamendia) deitzen diote urtero maiatzaren 15ean oroitzen duten aldi horri.

Joan den azaroan, Ekuadorren, Daniel Noboak hartu zuen Lasso presidentearen segida, bozen %52 eskuraturik. Harrezkero, liskar larriak izan dira herrialdean, eta ezegonkortasun handia sortu da. Gaian sakondu du Urubia podcastaren azken atalak.

Bilboko itsasadarraren bi aldeak lotuko dituen ur azpiko autobideaz mintzo da 'Kinka' podcasta. Subflubiala Ez plataformako Hodei Rodriguez kideak azaldu ditu proiektuaren giltzarri nagusiak, eta eragingo dituen kalteak zerrendatu ditu [seigarren minututik aurrera].

Robert Louis Stevenson idazlearen Botilako deabrua ipuinaren istorioa gogorarazi dio Kirmen Uribe idazleari sakelako telefonoen egungo erabilerak. Idazlearen iritziz, ia denek daramate deabrua patrikan sartuta.

Iritzi berekoa izan ei da New Yorkeko alkate Eric Adams; izan ere, gazteen buru osasunari kalte egiten dietelakoan, salaketa jarri die sare sozialen bost konpainia handiri.

Orain arte, misterio bat zen pixaren kolorea zerk eragiten duen. AEBetako ikertzaile talde baten arabera, ‘bilirubina reduktasa’ entziman dago kolore horiaren jatorria.

Argentinako hauteskundeen ondoko egoera du hizpide 'Berriketan' saioaren podcast honek. Javier Milei presidente berria nor den eta herrialdeko egoera zein den aztertzeko, Marcos Tedin eta Irune Lasa BERRIA egunkariko kazetariekin mintzatu dira. 

Argentinako hiru gazteren sentipenak ere bildu dituzte.