Amaitu da 23. Korrika, eta AEK-k hizkuntza politika «ausartak eta sendoak» baliatzeko eskatu du, euskarak aurrerantzean ere lekua irabaz dezan. Garazi Arrula Ruiz idazleak idatzi eta irakurri zuen 23. Korrikako mezua.

Ikastetxe arrunt baten korridoreetan jazo denaren kronika egin du Tere Maldonado filosofia irakasleak, zera aldarrikatzeko: hezkuntza-kalitatea eta elkarbizitza hobetzeko neurriak hartu behar direla. Besteak beste, irakasleei alferrikako lan-kargak kentzeko eskaera egin du.

Osasunako entrenatzaile Jagoba Arrasatek saria jaso du euskararen alde egindako lanagatik. «Iruñera ailegatu zenetik, lehen mailara eraman du euskararen presentzia», nabarmendu zuen ekitaldian Reyes Ilintxeta esatariak.

Aranzadi zientzia elkarteak aurkeztu du Arabako, Bizkaiko eta Gipuzkoako hegazti ugaltzaileen lehen atlas modernoa: 'Euskadiko hegazti habiagileen atlasa'.

Sei urteko ikerlanaren emaitza da, eta hirurogei ornitologok baino gehiagok hartu dute parte.

Zentral nuklearraren instalazioetara sartu da BERRIA, eraiste lanak bertatik bertara ezagutzeko. Burgosen (Gaztela eta Leon, Espainia) dago Santa Maria de Garoñako zentral nuklearra, Arabatik oso hurbil.

Mohammed (Teheran, 1999) 2020ko otsailean iritsi zen Irandik Lesbosera (Grezia), haren sorterrian indarrean zegoen «erregimen islamista jasangaitza» zela eta. Irandik Turkiara aurrena, eta handik Lesbosera gero, itsasoz amesgaiztoz jositako bidaia egin ondotik.

Asiloa noiz emango dioten zain dago. Bien bitartean, Zaporeak gobernuz kanpoko erakundeko okina da Kara Tepe kanpalekuan. Bertan elkarrizketatu du BERRIAko kazetariak.

Lehen aldiz Espainiako Kongresuan, diputatuek euskaraz, katalanez, galizieraz, asturieraz eta aragoieraz aritzeko aukera izan dute. Hizkuntza gutxituetan mintzatu ahal izateko Kongresuko araudia aldatzeko osoko bilkuran izan zen.

Euskaldunek Euskal Herrian bertan dituzten trabak salatu zituzten EH Bilduko eta EAJko ordezkariek.

Ordiziako gazta txapelketa irabazi arren, Eneko Goiburu artzain segurarrak ez du bere egunerokorik aldatu: familia, herria, baserria eta lana. Eta aldatzeko asmorik ere ez: «Ekoizpen txikia eta kalitatea: horiek dira gure ezaugarriak».

Hamar urtean hirugarrenez gailendu da Ondarre, eta bost garaikur dituzte guztira Ordizian.

Kasualitate batek herenamonaren etxera eraman du Sam Walker, Euskal Herrira euskara ikastera etorri den Kaliforniako gaztea. Graziana Inda duela 120 urte atera zen Urepeleko Etxemendia baserritik. Walkerren bidaiaren lekuko izan da BERRIA.