BERRIAko telebista kritikari Lide Hernandok 'Porno Belaunaldia' dokumentala hartu du hizpide bere iritzi artikuluan. Filmean ageri diren nerabeen testigantzen balioa goraipatu du, gaiaz zeinen argi eta lasai mintzo diren nabarmenduz.

Dokumentalari esker, pornografiak eragiten dituen hainbat ondorio negatiboez jabetu da Hernando, eta, beraz, halako lanak egitea garrantzitsua dela uste du.

Agustin Markeida ekonomilariak adimen artifizialak sortzen dituen eztabaidagaiei buruz idatzi du iritzi artikulua. Izan ere, oso azkar garatzen ari den teknologia honek hainbat zalantza eta kezka eragin ditu. Era berean, aukera handiak eskain ditzakeela nabarmendu du Markeidak.

BERRIAko Jone Bastida kazetariak sakon aztertu du ondoko analisian 'Rubiales auziak' agerian jarri duena. Futbolaren sistema bera aldatzea ezinbestekoa dela uste du, eta Euskal Herritik bertatik has daitekeela.

Espainiako selekzioak Munduko Kopa irabazi ostean Espainiako Futbol Federazioko presidente Luis Rubialesek Jennifer Hermoso jokalariari emandako musuak eta ondorengo gertaerek hautsak harrotu dituzte futbolaren munduan eta handik kanpo. Horren analisia egin du BERRIAko kazetari Olatz Artolak, eta halako zenbat jokabide izaten diren salatu.

Nerea Osinalde irakasleak BERRIAren zientziari buruzko iritzi zutabean idatzi duenez, gaur egungo gizakion genomako aldaera neandertalek uste baino gehiago eragiten diete hainbat ezaugarriri: immunitateari, erritmo zirkadianoei, hezur dentsitateari, menopausiaren adinari eta biriken ahalmenari.

Martxoaren 8aren ingurumarian herriko institutuan agertu ziren pintaketa matxistak hartu dituzte hizpide iritzi artikulu honetan Ane Labaka Maiozek eta Mariñe Arbeo Astigarragak.

Horrelakoak zergatik gertatzen ote diren egin dute galdera: heziketak huts egiten duelako ote? Edota emakume gazteak dagokien espazioa betetzen hasi direlako sortu diren erreakzioak dira?

Arabako, Bizkaiko eta Gipuzkoako irakasleek jaso behar duten formakuntza digitala kritikatu du Iñigo Martinez Peña irakasleak artikulu honetan. Batik bat, salatu du ez dela behar bezala pentsatu eta antolatu teknologia zertarako eta nola erabili.

Polemikagai izan da azken asteetan Roald Dahl idazle galestarra, haren zenbait lanetatik —asko haur eta gazte literaturako liburu ezagunak— ustezko hizkera «iraingarria» ezabatzen ari direla eta. Anjel Lertxundi idazleak auzi horri buruz idatzi du iritzi zutabea, literaturaren eta haurren alde jarriz.

Nerea Osinalde irakasleak Y kromosoma hartu du hizpide zientziari buruzko BERRIAren iritzi zutabean. Besteak beste, azaltzen du zergatik den Y kromosoma X kromosoma baino txikiagoa; hau da, zergatik dituen gene gutxiago. Halaber, galera horri aurre egiteko Y kromosomak asmatu dituen mekanismoen berri ere ematen du.