Memoria historikoari «bizirik» eusteko literatura

Memoriaren giltza memoria historikoa «bizirik eusteko ariketa txiki bat» izan dela aitortu du Ramon Olasagasti kazetariak: «1938ko maiatzean San Kristobal gotorlekutik ihes egindako 795 presoen gertaerak irakurtzeak barruak mugiarazten dizkit, eta ipuin hau gure historia hori gazteengana gerturatzeko ariketa xume bat da». Istorioaren abiapuntua Ezkaba mendian (Iruñerria, Nafarroa) agertutako hezurdurak dira. Hari gidariak Tania eta Indio protagonisten aztarrikakcloseAhaleginak.
dira, eta hari horretatik adarkatucloseBanatu.
ko dira iraganari erreferentzia egiten dioten beste kontakizun paralelo batzuk. Erein argitaletxearekin plazaratu du egileak haur eta gazte literaturako bere laugarren lana.

Bi gazte protagonisten ibileren atzean gai «gordinak» eta «sakonak» ezkutatzen direla aipatu du idazleak. 1937 eta 1945 bitartean , San Kristobal gotorlekua espetxe izan zen, eta, bizirik atera ziren lekukoen eta historialarien arabera, hango baldintzak «oso gordinak» ziren. Esaterako, preso asko birikeriak jota, jipoituta edo gosez hil ziren. 1936ko gerra piztuta zegoenean, 1938ko maiatzaren 22an, mundu osoan inoiz izandako preso ihesaldi handienetako bat jazocloseGertatu.
zen. Olasagastik azaldu du hurrengo egunetan giza ehizaldi «krudela» gertatu zela Ezkabaren iparraldean dauden herrietan, eta garai horretan girotu du eleberria.

Olasagastik azaldu du giza ehizaldi «krudela» gertatu zela Ezkabaren iparraldean dauden herrietan, eta garai horretan girotu du eleberria.

Zeharka, beste gai batzuk ere jorratu ditu kazetariak liburuan. Batetik, migrazioaren gaia mahaigaineratzen du, Taniaren bitartez. Bestetik, dolua, Indiok aita mendi istripu batean galdu baitzuen. Horrez gain, Olasagastik omenaldi txiki bat egin nahi izan die mendian hildako lagunei. Areago, aitortu du pertsonaia nagusia bere lagun baten larruan jarrita idatzi duela. Indio eta Taniaren ibiliak nostalgiaz kontatu dituela adierazi du idazleak, nerabeak zirenean horrela ibiltzen baitziren haren sorterrian, Berrobiko landaguneetan (Gipuzkoa).

Lekukotzak oinarrian

Bizirik atera zirenen lekukotzetan eta historialariek bildutako dokumentuetan oinarritu da Olasagasti liburua idazteko, eta, beraz, historialarien lana eskertu du, tartean Felix Sierra, Iñaki Alforja eta Txinparta Elkartearena. Horrez gain, Luis Garderen Ehiztariaren isilaldia (Pamiela, 2016) liburua goraipatu du, auziKontu.
bera hizpide duena.

Erein argitaletxeak gazte literaturaren bilduman argitaratu du eleberria, baina egileak iritzi dio irakurle ororentzako modukoa izan daitekeela: «Haur eta gazte literaturako liburuekin gozatu ederrak hartutakoa naiz, eta, nire ustez, kontua ez da literaturari langak edo barrutiak jartzea».