Mohammed Salem argazkilari palestinarrak irabazi du World Press Photo saria

Inas Abu Maamar 36 urteko emakumea da izeba, eta hark besoetan duena iloba, Saly. 5 urte baino ez zituen. Khan Yunisko errefuxiatu gunean hil zuten Saly, bonbardaketa batean, amarekin eta ahizparekin batera. Israelek Gazan erasoaldia hasi eta hamar egunera ateratakoa da argazkia, urriaren 17an, Nasser ospitaleko gorputegicloseGorpuak hotzean gordetzen diren biltegia.
an.

Argazki horren harira bada beste istorio bat ere: Mohammed Salemek oso garai berezian atera zuen argazkia. Aita izan berria zen: «Emaztea erditu berria zen; une hori indarrez betea zen, eta, aldi berean, oso tristea; Gazan gertatzen ari zen hori zentzu zabalenean laburbiltzen ari zen».

Argazkilariak «errespetuz eta kontuz» jardun izana nabarmendu du epaimahaiak, eta, aldi berean, «imajinaezina den galera baten begirada literala eta metaforikoa» islatu izana.

Argazkilariak «errespetuz eta kontuz» jardun izana nabarmendu du epaimahaiak.

Zaintzaren irudia

World Press Photok beste hiru lan ere saritu ditu. Urteko erreportaje grafikoaren alorrean, estigmatizatucloseZerbaiti marka lotsagarri bat ezarri.
ta dagoen auzi bati erreparatu dio. Madagaskarren ateratakoa da argazki sorta hori, eta aitona bat eta biloba bat ageri dira. Dada Paul aitonak zahartzaroko dementzia dauka, eta alabak eta bilobak zaintzen dute. Hegoafrikako Lee-Ann Olwage argazkilariarena da erreportajea.

Epaimahaiak arazo unibertsal bat jarri nahi izan du agerian: zaintzarena. Argazki sorta «goxotasunez eta samurtasunez» osatu duela esan du epaimahaiak; «irudi hauek gogorarazten digute maitasuna eta gertutasuna oso beharrezkoak direla mundu osoan bizi ditugun gerra eta borroka garai hauetan».

Migratzaileen bide luzea

Alejandro Cegarraren Bi harresiak lanak jaso du epe luzeko proiektuaren saria. Cegarrak bere esperientzia kontatzen du irudietan; Venezuelatik Mexikora migratzaile gisa egindako ihesaldia. 2018an ekin zion proiektuari, eta argazkilaria bera migratzailea izateak «ikuspuntu berri bat» dakarrela uste du epaimahaiak: «Ikuspuntu sentiberacloseErraz hunkitzen dena.
batetik aterata daude irudiak».

Gerra baten egunerokoa

Ukrainan ateratako argazki bat nagusitu da formatu libreko alorrean; Julia Kotxetovaren Gerra pertsonala da lana, alegia. Egunerokoan gerra batean bizitzeak zer dakarren islatzen du argazkiak. Artistak poemekin, audioekin, musikarekin eta ilustrazioekin osatu du proiektua.