Lehenbiziko aldiz Jaizkibelek konpainia gisa desfilatuko du

Jaizkibelek konpainia gisa desfilatuko du datorren irailaren 8an, Hondarribiko Udalak (Gipuzkoa) horretarako baimena eman baitio. Hala jakinarazi dio konpainia parekidecloseBerdintasun printzipioan oinarritzen dena.
ak berak BERRIAri. 28 urtean gertatu ez dena posible izanen da aurten, eta, horregatik, «aldaketa garrantzitsua» dela azaldu du konpainiak: «Lehenbizikoz udalaren errekonozimendua jaso dugu, eta, modu horretan, konpainia bat garela onartuko du herriak».

«Lehenbizikoz udalaren errekonozimendua jaso dugu, eta, modu horretan, konpainia bat garela onartuko du herriak».

Jaizkibel konpainia

Orain arte, manifestazio moduan atera behar izan dute Jaizkibel konpainiakoek, eskatuta ere udalak ez zielako baimenik ematen konpainia gisa desfilatzeko. «Zenbait urtetan, baimena eskatu izan diogu udalari, baina udalak ez zigun erantzuten; edo baimena ematen zigun, baina beste kale batzuetatik desfilatzeko». Ondorioz, manifestazio moduan irtetea zen «modu bakarra» berdintasunaren aldeko aldarriacloseEskaera.
kalera eramateko. 

Iaz Igor Enparan alkateak hartu zuen kargua (Abotsanitz alderdikoa), ordura arte agintean egon ziren jeltzaleei alkatetzaren lekukoa hartuta. Hark propio errancloseEsan.
zien konpainiakoei baimena eskatzeko udalari, baina Jaizkibelekoek soilik entseguetarako baimena eskatu zuten, eta ez alarde egunean desfilatzekoa. Irailaren 8koa ohi bezala egitea erabaki zuten: Eusko Jaurlaritzako Segurtasun Sailari manifestazio gisa ateratzeko baimena eskatzea. Halere, udalak onartu egin zien entseguetarako baimena, eta alarde egunean Guadalupen egiten duten mezarako ere toki bat gorde zuen konpainiako ordezkarientzat. Alarde egunean, berriz, ohi bezala atera ziren. 

Aurten, baina, iazkoa gogoan izanda, hausnarketa egin dute taldean, eta erabaki dute baimena eskatzea udalari. Inoiz jaso gabeko erantzuna eman diete: konpainia gisa ateratzen ahalko dira.

Bilera ugari

Abotsanitz alderdiak iragarri zuen aurten «administrazioaren urtea» izanen dela, Enparanek berak urte hasieran erran baitzuen udala ari zela baimen guztiak kudeatzencloseEgiteko baten antolaketaren arta izaten.
aurten. Eta hala gertatu da, errandakoa bete baitu. Udalak berak erran izan duenez, astero ari dira bilkurak egiten gaiari konponbidea emateko bidean; eta aitortu dute bide horretan urratsak egiten ari direla. 

Zehazki, iaz hasi zen Enparanen gobernuaren «konponbiderako bidea»: hark sustatu zituen bai alarde baztertzaileari eta bai Jaizkibel konpainiari harrera egiteko orduan eginiko berritasunak. Hain justu ere, erran zuen pozgarria zela alderdi guztiak egon izana «harrera instituzionalaren gunean» —Hondarribiko EAJk ez zion harrerarik egin Jaizkibeli; eta Hondarribiko EH Bilduk, Emakundek eta Arartekoak ez zioten  harrerarik egin hautu baztertzaileari—; gogoratu zuen hori gertatzen zen lehen aldia zela aldarri parekidea hasi eta horren ondoriozko gatazka hasi zenetik.

Etorkizunera begira, azaldu zuen aurrerantzean egin beharreko pausoak herritarren artean «adostu» behar direla, eta azpimarratu herrian «adiskidetze» prozesu bat behar dela horren atariko. Iaz desadostasunak antzemancloseNabaritu.
baziren ere, udalean talde politiko guztiek bat egin dute adierazpen instituzional batean, azaldu zuenez, eta uste du horri eman behar zaiola garrantzia.