Ibrahim Talal Abu Saif: «Ihes egiteko erraten digute, eta guk ere hori egin nahi dugu, baina ez dakigu nora»

«Hitz egiten ari naizen leku honetan bertan bonbardaketa egin dute oraintxe, eta txikituta dago guztia. Beldurra ematen du kalera irteteak eta sarraskicloseGizaki askori bizia kentzea. hori dena ikusteak», kontatu dio BERRIAri Ibrahim Talal Abu Saifek. Kanpadenda batean bizi da egun, urtebete baita etxea suntsitu ziotela. «Hemen inork ez dauka etxerik, eta nik zortea dut nire denda zutik dagoelako oraindik».

Kaleak erabat suntsituta daude Abu Saifen inguruan, eta azaldu du «izugarrizko tristura» eragiten diola kanpoa ikusteak. Gaza hegoaldean bizi zen lehen, gune humanitario batean, Israelgo armadak hara bidali baitzuen bertze gazatar anitzekin batera. Orain urte bat, baina, etxea eraitsicloseBota. zioten, eta iparralderantz jo zuen. Hegoaldean bizi du familia. «Ongi daude oraingoz, baina ezin dugu elkar ikusi, eta nik ez daukat dirurik haiek iparraldera ekartzeko». Izan ere, Israelgo armadak blokeatu egin du Gazako hegoaldearen eta iparraldearen arteko lotura. 

Dena den, Abu Saifek salatu du «inon» ez daudela seguru; «ez hegoaldean, ez iparraldean». «Ihes egiteko erraten digute, eta guk ere hori egin nahi dugu, baina ez dakigu nora. Leku seguru batera? Ez dakigu zein den leku segurua». Abu Saifek ez du sinesten jada leku segururik existitzen denik Gazan, eta etsitu egin du etorkizunari buruz galdetu zaionean. Ez du etorkizunik ikusten, esperantza eta fedea «zeharo galduta» baitauzka. «Ezin dugu biharko planik egin, ezin dugu etorkizunik irudikatu; ez dugu sinesten inoiz helduko denik. Minutuz minutu bizi gara, orduz ordu asko jota, baina ez dugu aukerarik egunez egun bizitzeko. Amesteko luxua lapurtu digute, eta lehen aldia da hori sentitzen dudana». 

«Amesteko luxua lapurtu digute, eta lehen aldia da hori sentitzen dudana». 

Ibrahim Talal Abu Saif (Gazako herritarra)

Laguntza humanitarioaren falta handia sumatzen du Abu Saifek, baina aitortu du «guzti-guztia» dutela faltan. Israelek laguntza humanitarioaren sarbidea ukatu du Gazan, eta, orain, deus ez da sartzen Gazara. «Ez dugu ez jatekorik, ez urik, ez argirik, ezta laguntzarik ere». 

Gordea dutenarekin bizi dira oraingoz, gaur arte biltegiratzea lortu dutenarekin; hala kontatu du Gazako herritarrak. Merkatuan, gainera, geroz eta garestiago saltzen dituzte produktuak; bederatzi euroan zegoen tomate kiloa asteazkenean Abu Saif erostera joan zenean. «Frutek eta barazkiek kanpotik etorri behar dute, hemen ez baitago lurrik ezer landatzeko moduan, baina alferrik da, ezin dira honaino sartu». 

«Frutek eta barazkiek kanpotik etorri behar dute, hemen ez baitago lurrik ezer landatzeko moduan, baina alferrik da, ezin dira honaino sartu».

Ibrahim Talal Abu Saif (Gazako herritarra)

Erietxeekin ere gauza bera gertatzen da, biltegian duten materialarekin artatu behar dituztela gaixoak. Biltegian, baina, geroz eta material gutxiago gelditzen da. Hiru ospitale txiki dituzte iparraldean, eta «lepo» daude hirurak. «Larrialdi egoeretan bakarrik joan gaitezke hara, baina hiru-lau bat mediku daude guztira, eta arreta hagitz closeAsko, oso.mantsoa izaten da».