Getariako hegalabur haztegia, martxan hastear

Euskal kostaldean inoiz ikusi gabeko azpiegitura bat izango da aurki: itsas zabalean arrainak gizentzeko piszifaktoria bat; hegalabur edo atungorrientzat, zehazki. Getariako kostatik 3,7 itsas miliara (6,6 kilometrora), bi kaiola jarriko dituzte, 50 metroko diametrokoak eta 40 metroko sakonerakoak.

Proba pilotucloseEsperimentutzat hartzen dena.
bat izango da: ez da hegalaburrik egongo barruan. Azpiegitura itsasoko egoerara nola egokitzen den aztertzea da asmoa. Ondo badoa, 2025eko udan 50 atungorri gizendu nahi dituzte han, eta hiruzpalau urtean kaiola gehiago jarri eta 1.100 tonara iristea da xedea, Bizkaiko eta Gipuzkoako ontzien hegalabur kuota osoa hara bideratzeko.

Eusko Jaurlaritzak bultzatu du egitasmocloseProiektu.
a, Bizkaiko eta Gipuzkoako kofradien oniritziarekin eta Aztiren bitartez, eta, horretarako, halako azpiegituretan esperientzia handia duen enpresa bat izango dute bidelagun: Kataluniako Balfego. Mediterraneo itsasoan ditu hegalaburrak gizentzeko haztegiak, eta atungorriaren salmentan erreferente bat da mundu osoan.

Balfego enpresak Mediterraneo itsasoan ditu hegalaburrak gizentzeko haztegiak, eta atungorriaren salmentan erreferente bat da mundu osoan.

Kanaberatik sarera

Azpiegitura berritzailea da, hainbat arrazoirengatik. Hasteko, gisa horretako aurrenekoa izango delako Bizkaiko Golkoan. Mediterraneoan eta Europako iparraldean badaude halakoak; Norvegian, esaterako, bakailaoak eta izokinak gizentzeko. Mediterraneoan Balfego da jaun eta gabe. Gaur egun, Bizkaiko eta Gipuzkoako ontziei dagokien hegalabur kuota guztia —1.100 tonakoa— enpresa horri saltzen diote kofradiekcloseArrantzaleen elkarteek.
, han erabili dezan. «Errentagarriago zaigu horrela egitea guk arrantzatu eta komertzializatzea baino», azaldu du Miren Garmendiak, Gipuzkoako kofradien zuzendariak.

2010. urtean, Bizkaiko eta Gipuzkoako ontziek hegalaburra harrapatzeari utzi zioten, arrantzatzeko eta merkaturatzeko arazoak tarteko, eta kuota saltzen hasi ziren. Orain, beste modu batera probatu nahi dute. Haiek arrantzatu eta Balfegori saldu.

Arrantzaleek ez dute ezkutatzen «kezka», egitasmoak aldaketa batzuk ekarriko dizkielako, hegalaburrak arrantzatzeko moduan esaterako. Dena den, begi onez hartu dute egitasmoa.

Arrantzaleek ez dute ezkutatzen «kezka», egitasmoak aldaketa batzuk ekarriko dizkielako, hegalaburrak arrantzatzeko moduan esaterako —historikoki kanaberarekin arrantzatu izan dute, eta orain inguratzeko teknikarekin aritu beharko dute, beste espezie batzuekin egiten duten moduan—. Dena den, begi onez hartu dute egitasmoa. «Guk gure barkuekin parte hartuko dugu, eta, dena ondo ateratzen bada, bete-betean sartuko gara enpresan. Ezin zaio trenari bitan pasatzen utzi», adierazi du Norberto Emazabalek, Gipuzkoako kofradien presidenteak.

Bizkaiko Golkoaren ezaugarri bereziak

Aztiko Rogelio Pozok azaldu duenez, pausoz pauso egin nahi dute aurrera. Lehenengo fasean daude orain, eta erronka nagusia azpiegitura bera izango da. «Arriskua kaioletan dago». Mediterraneo itsasoan frogatuta dago bideragarriak direla, baina Bizkaiko Golkoko urak bestelakoak dira, eta horietarako zenbait egokitzapen egin behar izan dituzte. Nagusiki bat: ekaitzei eta olatu handiei aurre egiteko kaiolak hemezortzi metroraino urperatu ahal izango dira, gainean estalkicloseTapaki.
bat jarrita, hegalaburrek alde egin ez dezaten.