Europako Batasunak debekatua du Errusiatik gasolioa inportatzea

Europako Batasunak beste estualdi bat eman die Errusiaren aurkako zigorrei. Otsailaren 5etik aurrera, batasuneko 27 herrialdeetako enpresek debekatuta daukate Errusiari petrolioaren produktu eratorriakcloseDeribatuak. erostea. Kolpe handia izan daiteke Errusiarentzat, EB izan baita haren gasolioaren, eta hegazkinetarako eta berogailuetarako erregaiaren kontsumitzaile nagusia, baina bere kostua izango du EBrentzat ere, gasolioaren eskasiak prezioen gorakada ekar dezakeelako.

ZER ONDORIO DITU DEBEKUAK EB-RENTZAT?

Gasolioaren eta petrolioaren beste eratorriak beste nonbait erosi beharko ditu, eta ez zaio erraza eta merke aterako. Izan ere, Errusia izan da orain arte bere hornitzaile nagusia. 2022 hasieran, EBk Errusiatik lortzen zuen inportatzencloseBeste herrialderen batetik ekartzea.
zuen gasolioaren erdia, eta horrekin estaltzen zuen bere eskaera osoaren %10era. Zigorra gainera zetorrela ikusita, azken hilabeteetan inoiz baino gehiago inportatu dute EBko konpainiek. Horrek esan nahi du erreserba batzuk badituztela, eta horrek eragotz dezake hurrengo asteotan prezioa asko handitzea. Baina erreserbak agortutakoan, igoera espero dute adituek.

Eurostaten arabera, 2006an jo zuen goia gasolioaren kontsumoak EBn, eta orduz gero jaitsi egin da —%6,3, 2006-2019 artean—. Baina oraindik haren egarri da: gasolioa erretzen dute EBko autoen %41ek, furgoneten %91k eta kamioien %96k. 2020an EBn kontsumitutako eratorrien bi heren gasolioa ziren.

Gasolioa erretzen dute EBko autoen %41ek, furgoneten %91k eta kamioien %96k. 2020an EBn kontsumitutako eratorrien bi heren gasolioa ziren.

NON EROSIKO DU EB-K?

AEBei gehiago erosten ari da azken urtean, baina hautagairik onenak Saudi Arabia, Arabiar Emirerri Batuak eta Kuwait dira. Herrialde horietatik guztietatik gasolioa ekartzea garestiagoa da, oro har, Europatik urrutiago daudelako. EBri kostatuko zaio barne produkzioa handitzea, gainezka dituelako findegiakclosePetrolioa fintzen duten plataformak.. Paradoxa bat ere gerta daiteke: Errusiak Indiari eta Txinari saldutako petrolio gordinak Europan amaitzea, gasolio eta fuel olio gisa.

ZER ONDORIO IZAN DITZAKE ERRUSIARENTZAT?

EBk ezarri dion petrolio gordinaren bahimenduakcloseEnbargoak. jada izan du eragina Errusiaren kontuetan, baina oraingoan arazoa are handiagoa izan daiteke. Izan ere, Asian Errusiaren petrolio gordina gehien inportatzen dutenek, Txinak eta Indiak, findegi handiak eraiki berri dituzte, eta espresuki prestatuta daude gasolioa egiteko. Horrek esan nahi du interes handiagoa izan dezaketela Errusiari petrolio gordina merke erosteko eta gero Mendebaldeari garestiago saltzeko. Txina izan daiteke giltzarria nazioarteko merkatua orekatzeko: egunean 400.000 eta 600.000 upel artean esporta ditzake, gutxi gorabehera EBk eta Erresuma Batuak Errusiatik inportatzeari utziko diotenak. Nekez helduko da diesel hori Europara, baina libre utziko lituzke beste leku batzuetako upelak.

Errusiaren petrolio gordina gehien inportatzen dutenek, Txinak eta Indiak, findegi handiak eraiki berri dituzte, eta espresuki prestatuta daude gasolioa egiteko

Baina petrolio gordin gehiagoren esportazioakcloseBeste herrialde batera egindako salmentak. arazo logistiko bat aurki dezake: itsasontzi falta. Gasolioa eta beste produktu finduak garraiatzen dituzten ontziak txikiagoak izan ohi dira petrolio gordina daramatenen aldean. Errusiak itzalpeko ontzidicloseFlota. bat osatu du, baina ikusteko dago nahikoak izango ote diren.

ZER EGIN DEZAKE ERRUSIAK?

Nagusiki, hiru aukera geratzen zaizkio Errusiari: petrolio gordinarekin bezala, gasolioaren eta beste produktu finduen prezioa asko jaistea erosleentzat erakargarri izateko; produktu finduak esportatu beharrean, petrolio gordina esportatzea; eta ekoizpena jaistea. Azken horren beldur dira merkatuak.