CO2 isurketek goia jo dute, eta %0,5 handitu dira iaztik

Klimari buruzko Parisko goi bileran jarritako helburu nagusia lortzeko —1,5 gradura mugatzea Lurraren berotzea—, %43 jaitsi beharko lirateke berotegi gasen isurketak hamarkada honetan. Errealitateak, baina, ez du erakutsi joera aldaketarik oraingoz.

Global Carbon Projectek egindako karbono dioxidoari (CO₂) buruzko isurketen urteko txostenaren arabera, berriz ere goia joko du aurten atmosferara isuritako CO₂ kantitateak: 40.900 milioi tona isuri dira, iaz baino %0,5 gehiago. Iaz, 40.600 milioi tona isuri ziren.

Gorakada apala bada ere, handiagoa da erregai fosilen erabilerari lotutako isurketen igoera: %1,1, hain zuzen ere, 36.800 milioi tona.

Lurraren erabilerari lotutako CO₂ isurketak —4.100 milioi tona— %5,1 jaitsi dira iazkoen aldean. Atal horretan, deforestazioak garrantzi handia izaten du, eta aurten Amazonian izandako deforestazioaren apaltzeak eragina izan du horretan. AlabainacloseHala ere.
, jaitsiera garrantzitsua bada ere, ez du lortzen orekatzea erregai fosilen erabilerari lotutako isurketetan izandako hazkundea.

Lurraren erabilerari lotutako CO₂ isurketak —4.100 milioi tona— %5,1 jaitsi dira iazkoen aldean. Amazonian izandako deforestazioaren apaltzeak eragina izan du.

Erregai fosilen erabilerari lotutako isurketek ez dute hazkunde bera izan munduko herrialde guztietan. Hazkunderik handiena Asiako bi herrialde nagusietan izan da: Txinan (+%4) eta Indian (+%8,2).  Europako Batasunean eta AEBetan jaitsi egingo dira isurketak; %7,4 eta %3, hurrenez hurrencloseBakoitzari dagokionez.
. Munduko gainerako tokietan, batez beste, %0,4 gutxituko dira isurketak, 2022koen aldean.

Hiru dira munduan gehien erabiltzen diren erregai fosilak —ikatza, petrolioa eta gasa—, eta hirurei lotutako isurketak handitu dira iazkoen aldean: ikatzari lotutako isurketak %1,1 handiagoak izan dira; petrolioak eragindakoak, %1,5; eta gasak sortutakoak, berriz, %0,5. Gauzak hala, atmosferan pilatutako CO₂ 419,3 milioi parte (ppm)closeKontzentrazioa neurtzeko unitatea.
izango da, industria aurreko garaian baino %51 handiagoa.

Atmosferan pilatutako CO₂ 419,3 milioi parte (ppm) izango da, industria aurreko garaian baino %51 handiagoa.

Gizakien jardueren ondorioz urtero isurtzen den karbono dioxidoaren %53 inguru oihanek eta itsasoek xurgatzencloseBere barnean hartzen.
dute, eta gainerako %47a atmosferan pilatzen da. Txostenaren egileek neurtu dute karbonoa xurgatzeko teknologia berriek bildutakoa: 0,01 milioi tona; beraz, oso urruti erregai fosilek sortzen duten CO₂ kantitateari aurre egiteko beharko litzatekeenetik.

Hazkundearen erritmoa, moteltzen

Txostenaren egileek berretsi dute CO₂ isurketen hazkundea moteltzen ari dela, eta azken urteotako «lautadacloseMeseta.
n» daudela oraindik. 2003tik 2012ra bitarte hazkunde handia izan zuten isurketek, eta urtero, batez beste, %2,1 handitu ziren. Geroztik, aurten arte, %0,14koa izan da hazkundea. Baina nabarmen dute hori ez dela nahikoa planetaren berotzea 1,5 gradura mugatzeko.

Alde horretatik, nabarmendu du «azkar agortzencloseAmaitzen.
» ari dela 1,5 graduko helburua lortzeko eta klima aldaketaren eragin larrienak saihesteko geratzen den denbora. Gaur egun, industria aurreko aroacloseAldia.
rekin alderatuta, 1,2 gradu altuagoa da munduko batez besteko tenperatura. 2023a inoizko urterik beroena izateko bidean dago, eta aurtengo batez besteko tenperatura 1,45 gradu inguru altuagoa litzatekeela iragarri dute adituek.