Bilboko erdigunera autoz sartzeko murrizketak ekainaren 15ean sartuko dira indarrean

Emisio apaleko eremuak Abandoko barrutia hartuko du, hau da, itsasadarrak mugatutako eremua, eta baita Sabino Arana, Trenbidearen etorbidea, Autonomia eta Bailen kaleak ere. Udalak kolektibo eta pertsona partikularren 186 alegazio jaso ditu ekarpenak jasotzeko irekitako epean. Kopuru horretatik 55 «osorik edo zati batean» onartu dira.

Hego Euskal Herrian, 50.000 biztanletik gorako hiriek ezarri beharko dituzte emisio gutxiko eremuak, EGE direlakoak. Zazpi dira: Iruñea, Gasteiz, Bilbo, Donostia, Barakaldo (Bizkaia), Getxo (Bizkaia) eta Irun (Gipuzkoa). Guztiak dabiltza atzeratuta —2023rako behar zuten indarrean—, eta Madrilek bi aldiz atzeratu du legeak zehaztutako epemuga. Frantziak 150.000 biztanle baino gehiagoko hiri aglomeraziocloseHiri baten hiriguneak eta aldiriek osatzen duten multzoa.
ei ezarri die egitekoa. Horrenbestez, Ipar Euskal Herrian, Baionako aglomerazioan eratu beharko dute eremua.

Lau etiketa mota

Gaur-gaurkoz lau ingurumen bereizgarri daude, ibilgailu motaren arabera. Talde horietakoren bateko kide ez direnek ez dute eranskailuclosePaper zati itsaskorra.
bat jasotzeko eskubiderik, «ibilgailu garbi gisa etiketatua izateko baldintzak betetzen ez dituztelako», eta hirian sartzen badira, zigortu egingo dira.

Hauek dira aukerak: zero emisioren etiketa izatea (urdina), bateria elektrikoentzat, autonomia hedatukoentzat eta 40 kilometroko autonomia duten hibrido entxufagarrientzat; eko etiketa izatea (berdea eta urdina), 40 kilometrotik beherako autonomia duten elektriko entxufagarrientzat, hibrido ez-entxufagarrientzat eta gas naturalaren, gasaren edo petrolioaren gas likidotuaren bidez propultsatutakoentzat.

B etiketa (horia) 2001eko urtarrilaren 1etik aurrera matrikulatutakoentzat eta 2006tik aurrera matrikulatutako diesel eta gasolinazko automobil eta furgoneta arinentzat da.

C etiketak (berdea) 2006ko urtarriletik aurrera matrikulatutako gasolinazko turismo eta furgoneta arinak eta 2015eko irailetik aurrera matrikulatutako dieselak katalogatzencloseIrizpide jakin baten arabera katalogo batean sailkatzen.
ditu, bai eta zortzi toki baino gehiagoko ibilgailuak eta 2014tik matrikulatutako gasolina edo diesel ibilgailu pisutsuak ere. Eta B etiketa (horia) 2001eko urtarrilaren 1etik aurrera matrikulatutakoentzat eta 2006tik aurrera matrikulatutako diesel eta gasolinazko automobil eta furgoneta arinentzat da, bai eta zortzi toki baino gehiagoko ibilgailu astunentzat ere, gasolina zein dieselekoak, 2006tik matrikulatutakoak.

Sarbide guztiak kamera bidez kontrolatuko dituzte. Kamerek automatikoki irakurriko dituzte ibilgailuen plakak, eta pasatu ahala baieztatuko dute eremura sartzeko baimen horiek dituzten ala ez.