Autorik kutsagarrienak kostaldeko 11 herritan debekatuak izanen dira 2025etik aitzina

Irailaren 28an, Euskal Hirigune Elkargoaren biltzarrean, Europa mailako deliberocloseErabakia.
baten egokitzapen lokala zuten bozkagai: emisio gutxiko eremuak plantan ezartzea adostu zuten. Hautetsien gehiengoak hala bozkatuta, elkargoak adostu zuen ibilgailurik kutsagarrienak debekatzea Tarnose (Landak) eta Hendaia arteko bideetan. Neurria heldu den urtean aplikatuko dute, baina oraindik ez dakite nola kontrolatuko duten.

Frantziak bost kategoriatan sailkatzen ditu ibilgailuak, eragiten duten kutsadura heinaren arabera; zero mailan dira gutien kutsatzen dutenak, eta bosgarrenean gehien kutsatzen dutenak. Azken horientzat, bozkaren ondorioz, kostaldeko eremu zabala debekatua izanen da 2025eko urtarrilaz geroztik. Autobidean, haatik, ez da indarrean izanen neurri hori, Frantziako Estatuak berak hautatu baitu autobideak salbuespen izatea.

«AuzapezcloseAlkate.
anitzek parte hartu dute gidaritza batzordean», azaldu du Martine Bisauta Euskal Elkargoko hautetsiak. «11 herritara mugatzea proposatzen dugu, asteko zazpi egunetan 24 orenez closeOrduz.
aplikatzeko. 1997a aitzin matrikulatu diren ibilgailuei aplikatuko zaie eremu murrizketa: sailkatuak ez direnak eta bosgarren mailako sailkapena dutenak. Auto gehienak bai, baina guti batzuk ezingo dira pasatu», haren erranetan. Bisautak esplikatu zuen Europak finkatzen dituen kutsadura tasak alda daitezkeela, eta, ondorioz, epe ertainean debekatuak liratekeen ibilgailuen sailkapenak ere bai.

Salbuespenak

Frantziako Gobernuak berak finkatu ditu aglomeraziocloseHiri baten hiriguneak eta aldiriek osatzen duten multzoa.
ek ezin alda ditzaketen zenbait salbuespen: estatuko zerbitzuetako ibilgailuek eta autobideek ez dute lege bera. Autobidearen salbuespenarekin kexu zirela jakinarazi zuten hainbat hautetsik biltzarrean. Filipe Aramendi Urruñako auzapezak oroitarazi zuen autobidea handitzeko xedearen kontrako herritar talde baten abokatua izan zela hogei urte lehenago: «Ikasle batek, bere garaian, Urruñan eta Biriatun autobideak zer heinetakocloseMailako, neurriko.
kutsadura sortzen zuen aztertu zuen. Ondorioa zen oso kutsatuak gaudela autobidearengatik. Autobideak kutsatzen segitzen ahalko du, nahiz eta guk plantan ezarri auto kutsagarririk gabeko eremuak», pleinitu zen Aramendi.

«Autobideak kutsatzen segitzen ahalko du, nahiz eta guk plantan ezarri auto kutsagarririk gabeko eremuak».

Filipe Aramendi (Urruñako auzapeza)

Bisautak «lanbide prekarioak» dituztenak aipatu zituen salbuespenen artean, haien ibilgailuekin ez dutelako zonan ibiltzeko debekurik ukanencloseIzanen.
. Baina prekaritatea zentzu zabalagoan harturik, Arberatzeko auzapez Sauveur Bachok oroitarazi zuen laugarren kategoriako —epe ertainean zona berean debekatua izan daitekeen kategoria— ibilgailuen jabeen %30 ahal ttipicloseTxiki, apal.
koak direla.

Auto aldaketen eztabaidaren harira, Bisautak iragarri zuen soldaten araberako diru laguntza bat pentsatzen ari direla autoa aldatu beharko luketen herritarrentzat.