Moto gidari batek istripua izan du gaur 11:10ean N-638 errepidean, Hondarribian (Gipuzkoa). Motoa gidatzen zuen gizona hil egin da, istripuan egindako zaurien ondorioz. Amute auzoaren sarreran gertatu da istripua, motoaren eta bi autoren artean. Larrialdi zerbitzuek istripua izandako lekuan bertan artatu dute moto gidaria, baina bertan hil da. Istripuaren arrazoia ikertzen ari da Ertzaintza. Errepidea moztu egin dute.
Iragan igandean 21 urteko emakume bat hil zen moto istripuz, N-1 errepidean, Villabonan (Gipuzkoa).
