24 urteko gizon bat atxilotu dute Errenterian (Gipuzkoa), sexu erasoa egotzita. Bi emakumeri ukituak egitea leporatzen diote, Eusko Jaurlaritzako Segurtasun Sailak jakinarazi duenez. Jaietan dira herri horretan.
Ostegun goiz honetan izan dira gertakariak, autobus geltoki batean. Bi emakumek laguntza eskatu diote Poliziari, ukituak pairatu zituztela salatuta. Agenteek ustezko egilea identifikatu eta atxilotu dute.
Mugimendu feministak elkarretaratzea deitu du gertatutakoa salatzeko, ostegun honetan, 20:00etan.
