Darponek ukatu egin du 'Marguello auzia' «aberasteko sare bat» izan zenik

BILBO. Jon Darpon Eusko Jaurlaritzako Osasun sailburuak ez du uste Marguello auziaren oinarrian «aberasteko sortutako sare bat» egon zenik. Garai hartako Gurutzetako ospitaleko Kalitate zuzendari Jose Carlos Marguello, haren bazkide bat eta Osasun Saileko bi goi kargudun ohi ikertzen ari da Bilboko Instrukzioko 3 zenbakiko Epaitegia, 2006an sei milioi euroko kontratazio irregularrak egin zituztelakoan.