Sahara

Jakingarriak: ikus Mendebaldeko Sahara.
 

SAINT KITTS ETA NEVIS

Hizkuntzak: ingeles (ofiziala).
Biztanleak: 52.000 lagun (NBE, 2009). Gehienak beltzak dira; badaude zenbait britainiar, portugaldar eta libanoar.
Erlijioak: anglikano, bestelako protestante, katoliko.
 

SAINT VINCENT ETA GRENADINAK

Hizkuntzak: ingeles (ofiziala), kreolera frantses.
Biztanleak: 109.000 lagun (NBE, 2012). Beltz (%66), mulato (%19), indopakistandar (%6), Karibeko amerindiar (%2), beste (%7).
Erlijioak: anglikano (%47), metodista (%28), katoliko (%13), hindu, zazpigarren eguneko adbentista, bestelako protestante.
 

Saint-Pierre eta Mikelune

Hizkuntzak: frantses (ofiziala), ingeles (gutxi batzuek erabiltzen dute).
Biztanleak: 6.100 lagun (NBE, 2006). Gehienak jatorri euskaldun eta bretoikoak; normandiar jatorrikoak ere badira.
Erlijioak: katoliko (%99).
Jakingarriak: Ameriketako kolonia frantziarra; itsasoz haraindiko kolektibitatea da (COM).
 

Sakha

Hizkuntzak: sakhera (edo jakutera, %25), errusiera. Biak dira ofizialak.
Biztanleak: 949.280 lagun. Jakut edo sakha (%33,4), errusiar (%50,3), ukrainar (%7).
Erlijioak: errusiar ortodoxo, xamanista.
Jakingarriak: lehen, Jakutia. Errusiako errepublika autonomoa.
Transkripzioak: izen bereziak idazteko, ikus zirilikotik transkribatzeko taula.
 

SALOMON UHARTEAK

Hizkuntzak: ingeles (ofiziala; %1-2); kreolera melanesiarra erabiltzen dute ia gehienek 'lingua franca' moduan. 120 hizkuntza daude: hizkuntza melanesiarrak, polinesiarrak eta mikronesiarrak.
Biztanleak: 566.000 lagun (NBE, 2012). Melanesiar (%94,5), polinesiar (%3), mikronesiar (%1,2), beste (%1,1).
Erlijioak: protestante (%78; anglikano, baptista, metodista / presbiteriano, zazpigarren eguneko adbentista eta beste), katoliko (%18), sinesmen tradizional (%4).
 

SAMOA

Hizkuntzak: samoera, ingeles (ofizialak).
Biztanleak: 185.000 lagun (NBE, 2012). Samoar (%92,6), euroasiar (%7, europarren eta polinesiarren arteko nahasketa), europar (%0,4).
Erlijioak: kongregazionista (%34,8), katoliko (%19,6), metodista (%15), azken eguneko santu (%12,7), mendekoste (%6,6), zazpigarren eguneko adbentista (%3,5) eta beste (%7,5).
Jakingarriak: Samoa zatiturik dago: mendebaldeko uharteek estatu independentea osatzen dute, eta ekialdekoak Ameriketako Estatu Batuen kolonia dira (ikus Samoa Estatubatuarra).
 

Samoa Estatubatuarra

Hizkuntzak: samoera (%90,6), ingeles (%2,9), tongera (%2,4), Pazifikoko beste mintzaira batzuk (%2,1).
Biztanleak: 65.628 lagun (2009). Samoar (%89), tongar (%4), asiar (%2,9), mestizo (%2,8), zuri (%1,2), beste (%0,1).
Erlijioak: kristau kongregazionalista (%50), katoliko (%20), protestante eta beste (%30).
Jakingarriak: Pazifikoko kolonia estatubatuarra. Ikus Samoa.
 

San Bartolome

Hizkuntzak: frantses (ofiziala), ingeles, patois, kreolera.
Biztanleak: 8.398 lagun.
Jakingarriak: Ameriketako kolonia frantziarra; itsasoz haraindiko kolektibitatea da (COM).
 

SAN MARINO

Hizkuntzak: italiera (ofiziala), emiliera-romagnolo (italiar dialektoa).
Biztanleak: 33.400 lagun (NBE, 2012). Sanmarinoar, italiar.
Erlijioak: katolikoak dira nagusi San Marinon.
 

San Martin

Hizkuntzak: nederlandera, ingelesa (ofizialak).
Biztanleak: 37.439 lagun.
Jakingarriak: Nederlanderaz, Sin Maarten. 2010eko urrira arte, Holandarren Antillen parte izan zen. Geroztik, lurralde autonomoa da, Herbehereetako Erresumaren barnean. Uhartearen beste parte bat Frantziaren mende dago (frantsesez, Saint-Martin).
 

San Martin

Hizkuntzak: frantses (ofiziala), ingelesa, gaztelania, kreolera.
Biztanleak: 35.692 lagun.
Jakingarriak: Frantsesez, Saint-Martin. Ameriketako kolonia frantziarra; itsasoz haraindiko kolektibitatea da (COM). Uhartearen beste parte bat Herbehereen mende dago (nederlanderaz, Sint Maarten).
 

Santa Helena

Hizkuntzak: ingeles.
Biztanleak: 4.255 lagun (2008). Afrikarren ondorengo (%50), zuri (%25), txinatar (%25).
Erlijioak: anglikano (gehienak), baptista, zazpigarren eguneko adbentista, katoliko.
Jakingarriak: Atlantikoko hegoaldeko uhartea. Administrazio britainiarraren agindupean dago, Ascension eta Tristan da Cunha uharteekin batean.
 

SANTA LUZIA

Hizkuntzak: ingeles (ofiziala), kreolera frantses.
Biztanleak: 178.000 lagun (NBE, 2012). Beltz (%90), mestizo (%6), indopakistandar (%3), zuri (%1).
Erlijioak: katoliko (%67,5), zazpigarren eguneko adbentista (%8,5), mendekoste (%5,7), anglikano (%2), ebanjeliko (%2), bestelako kristau (%5,1), rastafari (%2,1), beste (2,6), sinesgabe (%4,5).
 

SAO TOME ETA PRINCIPE

Hizkuntzak: portuges (ofiziala, %95). Portugesa oinarri duten hiru kreolera erabiltzen dira: forroera (%85), angolarera (%3) eta principeera (%0,1).
Biztanleak: 172.000 lagun (NBE, 2012). Beltz eta mestizo nagusiki: mestico, angolar (Angolako esklaboen ondorengoak), forro (aske izatea lortu zuten esklaboen ondorengoak), servicai (Angolatik, Mozambiketik eta Cabo Verdetik iritsitako nekazariak, lanerako kontratatuak), tonga (servicaien seme-alabak, Sao Tome eta Principen jaioak). Europar (portugaldarrak, nagusiki).
Erlijioak: katoliko (%70,3), ebanjeliko (%3,4), apostoliko berri (%2), adbentista (%1,8), beste (%3,1), sinesgabe (%19,4)
 

Sardinia

Hizkuntzak: italiera (ofiziala), sardiniera (ofiziala; Gallura eta Sassari eskualdeetan hitz egiten dituzten dialektoak korsikeraren barrukotzat jotzen dituzte), katalan (Alghero hirian), ligurera (San Pietro eta Sant'Antioco uharteetan).
Biztanleak: 1,6 milioi.
Jakingarriak: sardinieraz, Sardigna, eta italieraz, Sardegna. Italiaren mendeko uhartea da (estatus berezia duten bost eskualde autonomoetako bat da), eta sardiniera da berezko hizkuntza.
Transkripzioak: sardinierazko leku izenak oso arrotzak zaizkigunez, italierazkoak erabiliko ditugu. Mugimendu abertzaleari edo hizkuntzari buruz idaztean, sardinierazkoak ere idatziko ditugu, parentesi artean.
 

SAUDI ARABIA

Hizkuntzak: arabiera (ofiziala). Ingelesa ere aski hedatua dago.
Biztanleak: 28,7 milioi (NBE, 2012). Arabiar (%90), afro-asiar (%10).
Erlijioak: musulman (%100; sunitak %89, xiitak %11).
Transkripzioak: izen bereziak idazteko, ikus alfabeto arabiarretik eta perso-arabiarretik transkribatzeko taula.
 

SENEGAL

Hizkuntzak: frantses (ofiziala), wolofera, fula edo pulaar, diolera, mandinkera, serere.
Biztanleak: 13,1 milioi (NBE, 2012). Wolof (%43,3), peul edo fula (%23,8), serere (%14,7), diola (%3,7), mandinka (%3), soninke (%1), europar eta libanoar (%1), beste (%9,4; txinatar, vietnamdar).
Erlijioak: musulman (%94), kristau (%5, batez ere katoliko), sinesmen tradizional (%1).
 

SERBIA

Hizkuntzak: serbiera (ofiziala); errumaniera, ruteniera, eslovakiera, kroaziera eta hungariera (horiek guztiak ofizialak dira Voivodinan). Beste zenbait gutxiengoren mintzairak ere badira Serbian, tartean erromani hizkuntza.
Biztanleak: 9,8 milioi (NBE, 2012). Erdialdeko Serbia: 5,6 m.; Voivodina: 2,3 m. Erdialdeko Serbian eta Voivodinan: serbiar (%82,8), hungariar (%3,9), bosniak (%1,8), ijito (%1,44).
Erlijioak: Bai Erdialdeko Serbian eta bai Voivodinan, serbiar ortodoxoak dira nagusi.
Jakingarriak: 1992tik aurrera Jugoslaviako Errepublika Federala izan zena Serbia eta Montenegro bihurtu zen 2003ko otsailaren 4an, harik eta 2006ko maiatzean eginiko erreferendumaren ondorioz Montenegrok independentziarako bidea hartu zuen arte. Serbiak hiru egitura administratibo izan ditu 2008 arte: Erdialdeko Serbia esaten dioten eskualdea, batetik, eta bi eskualde autonomo, bestetik: Voivodina iparraldean, eta Kosovo eta Metohia hegoaldean. 2008ko otsailaren 17an, Kosovok independentzia aldarrikatu zuen, eta Serbiatik bereizi. Ikus Voivodina.
Transkripzioak: Serbian bi alfabeto erabiltzen dituzte: zirilikoa eta latinoa. Izen bereziak idazteko, ikus zirilikotik transkribatzeko taula.
 

SERBIA ETA MONTENEGRO

Jakingarriak: 1992tik aurrera Jugoslaviako Errepublika Federala zena, 2003ko otsailaren 4az geroztik 2006ko ekainera arte, Serbia eta Montenegro izan zen. Konfederazio gisa egituratuak zeuden, baina, berez, bi errepublika ziren: Serbiako Errepublika eta Montenegroko Errepublika. Serbiak, era berean, bi eskualde autonomo zituen barnean, Kosovo —Nazio Batuen administraziopean— eta Voivodina. 2006ko maiatzean eginiko erreferendumaren ondorioz, Montenegrok independentziarako bidea hartu zuen. Ikus: Serbia, Montenegro, Voivodina eta Kosovo.
 

SEYCHELLEAK

Hizkuntzak: hiru hizkuntza ofizial daude: Seychelleetako kreolera, ingelesa eta frantsesa. Biztanleen %90ek kreoleraz hitz egiten dute.
Biztanleak: 87.400 lagun (NBE, 2011). Frantses mestizo, afrikar, indiar, txinatar eta arabiar.
Erlijioak: katoliko (%82,3), anglikano (%6,4), zazpigarren eguneko adbentista (%1,1), bestelako kristau (%3,4), hindu (%2,1), musulman (%1,1) eta beste.
 

SIERRA LEONA

Hizkuntzak: ingeles (ofiziala), mendeera (hegoaldean zabalduena), temneera (iparraldean zabalduena), krioera (kreolera ingeles) eta beste hainbat.
Biztanleak: 6,1 milioi (NBE, 2012). Afrikar tribuetako biztanleak (%90): temne (%30), mende (%30) eta beste (%30). Kreole (%10; jamaikar esklaboen ondorengoak), gerratik ihesi joandako liberiarrak eta europar, libanoar, pakistandar eta indiar gutxi batzuk.
Erlijioak: musulman (%60), sinesmen tradizional (%30), kristau (%10).
 

SINGAPUR

Hizkuntzak: lau hizkuntza ofizial: ingeles (%23), malaysiera (%14,1), txinera (mandarin, %35), tamilera (%3,2). Txineraren beste dialekto batzuk: hokkienera (%11,4), cantonera (%5,7), teocrew (%4,9). Beste (malabarera, hindi).
Biztanleak: 5,3 milioi (NBE, 2012). Txinatar (%76,8), malaysiar (%13,9), indiar (%7,9), beste (%1,4).
Erlijioak: budista (%42,5), musulman (%14,9), taoista (%8,5), hindu (%4), katoliko (%4,8), bestelako kristau (%9,8), beste (%0,7), sinesgabe (%14,8).
 

SIRIA

Hizkuntzak: arabiera (ofiziala), kurduera, arameera, armeniera, txerkesera.
Biztanleak: 21,1 milioi (NBE, 2012). Arabiar (%90,3), kurdu, armeniar eta beste (%9,7).
Erlijioak: musulman sunita (%74), alaui eta bestelako musulman (%16), kristau (%10), judu.
Jakingarriak: Sei Eguneko Gerran (1967), Israelek Siriako hego-mendebaldeko eskualdea hartu zuen: Golango gainak.
Transkripzioak: izen bereziak idazteko, ikus alfabeto arabiarretik eta perso-arabiarretik transkribatzeko taula.
 

SOMALIA

Hizkuntzak: somaliera (ofiziala), arabiera (ofiziala), italiera, ingeles.
Biztanleak: 9,8 milioi (NBE, 2012). Somaliar (%85, hainbat klanetan zatituta), bantu, arabiar eta beste (%15).
Erlijioak: musulman sunita (%100).
Jakingarriak: 1991. urteaz geroztik, Somaliak estatu batasuna galdu du, eta ez du nazio gobernurik. Somalia barruan, zenbait lurraldek independentzia aldarrikatu dute, baina atzerriko inongo gobernuk ez ditu onartu: Somalilandia (ipar-mendebaldean, 1991tik aurrera), Puntlandia (ipar-ekialdean, 1998tik aurrera), Jubalandia (1998tik aurrera) eta Hego-Mendebaldeko Somalia (2002tik aurrera).
 

SRI LANKA

Hizkuntzak: sinhala (ofiziala eta hizkuntza nazionala, %74; zingalesera*), tamilera (ofiziala eta hizkuntza nazionala, %18), beste (%8). Gobernu hizkuntza ingelesa da, eta herritarren %10ek ere erabiltzen dute.
Biztanleak: 21,2 milioi (NBE, 2012). Sinhalar edo zingales (%73,8), mairu srilankar (%7,2), tamil indiar (%4,6), tamil srilankar (%3,9), beste (%0,5), zehaztugabe (%10).
Erlijioak: budista (%69,1), musulman (%7,6), hindu (%7,1), kristau (%6,2), zehaztugabe (%10).
Jakingarriak: Lehen, Zeilan zeritzon Sri Lankari.
Transkripzioak: izen gehienak ingelesezko eran daude zabalduak nazioartean, eta horiek erabiliko ditugu.
 

SUDAN

Hizkuntzak: arabiera (ofiziala), nubiera, bejera edo bedawi, nubera, furera, niloar hizkuntzak (dinka, nuer...) eta beste hainbat.
Biztanleak: 45,7 milioi (NBE, 2012). Beltz (%52), arabiar (%39), dinka (%11,5), beja (%6) eta beste (%3).
Erlijioak: musulman sunita (%70, iparraldean nagusiki), sinesmen tradizional (%25), kristau (%5, hegoaldean eta Khartumen gehienak).
Jakingarriak: 1983. urteaz geroztik, gerra zibila izan da Sudanen. 2005. urteko urtarrilaren 9an, bake akordio bat sinatu zuten, eta, ondorioz, Hego Sudanek autonomia eskuratu zuen. Sei urteren buruan autodeterminazio erreferenduma egin, eta independentzia aldarrikatu zuen 2011ko uztailaren 9an.
Transkripzioak: izen bereziak idazteko, ikus alfabeto arabiarretik eta perso-arabiarretik transkribatzeko taula.
 

SUEDIA

Hizkuntzak: suediera (hizkuntza nazionala eta, 'de facto', ofiziala); ezagutza ofiziala dute bost hizkuntza gutxituk: laponiera edo samiera (10.000 inguru), meankieli (40.000-70.000), finlandiera (200.000), erromani (20.000), yiddish (4.000).
Biztanleak: 9,5 milioi (NBE, 2012). Suediar; finlandiar eta laponiar (sami) gutxiengoak; eta beste hainbat.
Erlijioak: luterano (%87), katoliko, ortodoxo, baptista, musulman, judu.
 

SUITZA

Hizkuntzak: lau hizkuntza nazional eta ofizial: aleman (%63,7), frantses (%20,4), italiera (%6,5), erretorromaniera (erromantxera, %0,5). Serbokroaziera (%1,5), albaniera (%1,3), portuges (%1,2), espainiera (%1,1), ingeles (%1).
Biztanleak: 7,7 milioi (NBE, 2012). Aleman (%65), frantziar (%18), italiar (%10), erromantxe (%1), beste (%6).
Erlijioak: katoliko (%41,8), protestante (%35,3), ortodoxo (%1,8), musulman (%4,3), zehaztugabe (%4,3), sinesgabe (%11,1), beste (%1,4).
 

SURINAM

Hizkuntzak: nederlandera (ofiziala), srananera edo surinamera (bertako kreolera da; taki-taki ere deitzen diote), hindustanera (hindi hizkuntzaren dialekto bat), javanera, ingeles.
Biztanleak: 534.000 lagun (NBE, 2012). Indopakistandar (%37), kreole (%31,3, zuri-beltzak), javatar (%15), maroon edo bush-negro (%10), amerindiar (%2), txinatar (%2), zuri (%1), beste (%2).
Erlijioak: hindu (%27,4), protestante (%25,2, moraviarrak nagusiki), katoliko (%22,8), musulman (%19,6), sinesmen tradizional (%5).
 

SWAZILANDIA, ESWATINI

Hizkuntzak: swaziera, ingeles (ofizialak).
Biztanleak: 1,2 milioi (NBE, 2012). Afrikar (%97; swazi etniakoak dira nagusi, biztanleen %85 inguru; zulu etniakoak ere badira, %10 inguru), europar (%3).
Erlijioak: kristau (%57; katoliko, anglikano, metodista, mormoi), zionista (%40, sinesmen tradizionalen eta kristautasunaren nahasketa), beste (%3, musulman, bahaista, judu).
Jakingarriak: Eswatini edo Eswatiniko Erresuma (eswatiniar) da izen ofiziala 2018az geroztik.