MUNDUA
QATAR
Qatarko Estatua
Herritar izena: qatartar.
Eremua: 11.437 km2.
Hiriburua: Doha (dohatar).
Hiri nagusiak: Ar-Rayyan, Al-Wakrah, Al-Khor, Al-Jumaliya, Dukhan, Al-Khuwayr, Al-Ghuwairiya.
Dirua: riyal qatartar.
Biztanleak: 1,9 milioi (NBE, 2012). Arabiar (%40), pakistandar (%18), indiar (%18), irandar (%10), beste (%14; egiptoar, jordaniar, palestinar...).
Erlijioak: musulman (%95).
Transkripzioak: izen bereziak idazteko, ikus alfabeto arabiarretik eta perso-arabiarretik transkribatzeko taula.
Transkripzio taula
| ingelesez | frantsesez | gaztelaniaz | euskaraz |
|---|---|---|---|
| ch | tch | ch | tx (esaterako, Txad) |
| dh, gh | dh, gh | d, g | dh, gh (esaterako, Abu Ghraib) |
| iyah, -iya | -iyah, -iya | -iyah, -iya | -iya (hitz amaieran; esaterako, Nasiriya) |
| j | j, dj | y | j (esaterako, Najaf) |
| k | k | k | k (esaterako, Karbala, Kuwait) |
| kh | kh | j | kh (esaterako, Khartum, Khomeini) |
| n | -ne | -n | -n (hitz amaieran; esaterako, Jenin) |
| q | q | q | q (esaterako, Al-Qaeda, Qatar) |
| s | ss | s | s (esaterako, Mosul, Aswan) |
| sh | ch | sh | x (esaterako, Raxid) |
| th | th | z | th (esaterako, Baath) |
| u | ou | u | u (esaterako, Mubarak) |
| w | ou, w | w, u | w (bokal artean edo bokal aurrean; esaterako, Kuwait, Aswan), u |
| y | i, y | y, i | y (bokal artean edo bokal aurrean; esaterako, Diwaniya), i (esaterako, Hudaida) |
1. Izen bat bokala + '–h' letraz amaitzen denean, '-h' hori ezabatu egingo da mutua denean, eta bere hartan utzi ahoskatzen bada: 'Al-Fatah', baina 'Diwaniya', 'Nasiriya', 'Al-Arabiya'. 2. Kontsonante bikoitzak bere hartan utzi: 'Falluja'; 'Hezbollah'; 'Amman'; 'Hussein'. 3. Artikulua letra larriz hasieran, eta xehez tartean. Marratxoz loturik idazten da: 'Al-Jaafari', 'Al-Fatah', 'Deir ez-Zor'. 4. 'H'-z bukaturiko hitzak letra hori ez balego bezala deklinatuko dira: 'Al-Fatahk', 'Al-Fatahren', 'Al-Fatahko'...
Quebec
Herritar izena: quebectar.
Eremua: 1.542.056 km2.
Hiriburua: Quebec.
Hiri nagusiak: Montreal, Gatineau, Sherbrooke.
Biztanleak: 7,9 milioi.
Erlijioak: katoliko (%83), protestante (%4,7), ortodoxo (%1,4), musulman (%1,5), judu (%1,3).
Jakingarriak: Independentziaren aldeko mugimendu sendoa dago Quebecen, eta bi aldiz bozkatu dute erreferendumean independentziari buruz: 1980an eta 1995ean. Bietan nagusitu ziren independentziaren kontrakoak, baina oso alde txikiz; 1995ean, %50,6k bozkatu zuten independentziaren kontra, eta %49,4k alde.