Kabardino-Balkaria

Hizkuntzak: errusiera, kabardera eta balkarera, hirurak dira ofizialak.
Biztanleak: 901.494 lagun. Kabardiar (%43), errusiar (%33), balkar (%8) (Adigeako adigeak eta Karatxai-Txerkesiako txerkesak ere kabardiarren etnia berekoak dira).
Erlijioak: kabardak eta balkarrak musulman sunitak dira nagusiki.
Jakingarriak: Errusiako errepublika autonomoa.
Transkripzioak: izen bereziak idazteko, ikus zirilikotik transkribatzeko taula.
 

Kaiman uharteak

Hizkuntzak: ingeles.
Biztanleak: 55.000 lagun (NBE, 2010). Mestizo (%40), zuri (%20), beltz (%20), beste (%20; ihesi joandako zenbait talde etnikotako kideak).
Erlijioak: Eliza batua (presbiteriano eta kongregazionista), anglikano, baptista, Jainkoaren Eliza, bestelako protestante, katoliko.
Jakingarriak: Karibe itsasoko kolonia britainiarra.
 

Kaledonia Berria, Kanaky

Hizkuntzak: frantses (ofiziala); 33 mintzaira melanesiar-polinesiar daude: 1.000 hiztunetik gora dituzten hizkuntzak hauek dira: drehu (12.000, Loyalty uharteetan), nengone (5.500 Loyalty uharteetan), paici (5.500), wailu (5.000), xaracuu (3.500), cemuhi (2.500), iaai (2.200, Loyalty uharteetan), yaage (2.000), numee (1.800), yalayu (1.250) eta dubea (1.200).
Biztanleak: 259.000 lagun (NBE, 2012). Melanesiar edo kanak (%42,5), europar edo caldoche (%37,1), wallistar (%8,4), polinesiar (%3,8), indonesiar (%3,6), vietnamdar (%1,6), beste (%3).
Erlijioak: katoliko (%60), protestante (%30), beste (%10).
Jakingarriak: Pazifikoko kolonia frantziarra; 1999 arte TOM estatusa izan zuen (itsasoz haraindiko lurraldea), baina orain subiranotasun partekatuko lurraldea da. Frantziaren mende dauden kolonietan estatus hori duen bakarra da, eta 'sui generis' kolektibitatea deritzote.
 

Kalmukia

Hizkuntzak: errusiera, kalmukera (ofizialak biak). Gutxiengo etniko bakoitzak bere mintzaira du.
Biztanleak: 289.400 lagun (2010eko errolda). 97 talde etniko daude Kalmukian. Kalmuk (%53,3), errusiar (%33,5), dargin (%2,4), txetxen (%2), kazak (%1,7), ukrainar (%0,8), avar (%0,7)...
Erlijioak: kalmukak budistak dira nagusiki.
Jakingarriak: Errusiako errepublika autonomoa.
Transkripzioak: izen bereziak idazteko, ikus zirilikotik transkribatzeko taula.
 

KAMERUN

Hizkuntzak: frantses, ingeles (ofizialak), eta hainbat hizkuntza afrikar (bassa, bikya edo furu, kanuriera, ngumba, bamun, fula edo fulfulde, ewondo...).
Biztanleak: 20 milioi (NBE, 2012). 250 talde etniko inguru daude. Kamerungo etniak (%31), bantu ekuatorear (%19), kirdi (%11), fula edo peul (%10), ipar-mendebaldeko bantu (%8), ekialdeko nigrita (%7), bestelako afrikar (513), beste (%1).
Erlijioak: sinesmen tradizional (%40), kristau (%40), musulman (%20).
 

KANADA

Hizkuntzak: ingeles (%59,3, ofiziala), frantses (%23,2, ofiziala), italiera (%1,6), aleman (%1,5), kantonera (%1,1). Hizkuntza amerindiar ugari (creera, ojibwa, innu, mikmak...), galtzeko zorian asko. Nunavut lurraldean, inuitera ofiziala da, eta ipar-mendebaldeko lurraldeetan, hainbat hizkuntza amerindiar ofizialak dira: dene suline edo chipewyera, creera, inuitera, ipar eta hego slaveyera, dogribera, gwichinera eta taicho.
Biztanleak: 34,7 milioi (NBE, 2012). Jatorri ingelesekoak (%28), jatorri frantsesekoak (%23), bestelako europar batzuk (%15), inuit (eskimal*), metis eta amerindiar (%3; hainbat talde daude horien artean: cree, chipewy, montagnais...).
Erlijioak: katoliko (%42,6), protestante (%23,3; Eliza batua %9,5, anglikano %6,8, baptista %2,4, luterano %2), bestelako kristau (%4,4), musulman (%1,9), beste (%11,8), sinesgabe (%16).
Jakingarriak: beste lurraldeetan ez bezala, Quebecen frantsedunak dira gehienak. Independentziaren aldeko mugimendu sendoa dago Quebecen, eta bi aldiz bozkatu dute erreferendumean independentziari buruz: 1980an eta 1995ean. Bietan nagusitu ziren independentziaren kontrakoak, baina oso alde txikiz; 1995ean, %50,6k bozkatu zuten independentziaren kontra, eta %49,4k alde.
 

Kanaky

Jakingarriak: Ikus Kaledonia Berria.
 

KANBODIA

Hizkuntzak: khmerera (ofiziala, %95), frantses, ingeles, txinera, vietnamera.
Biztanleak: 14,4 milioi (NBE, 2012). Khmer (%90), vietnamdar (%5), txinatar (%1), beste (%4; cham, besteak beste).
Erlijioak: budista (%95), beste (%5).
Transkripzioak: nazioartean finkaturiko erak erabiliko ditugu.
 

Karatxai-Txerkesia

Hizkuntzak: errusiera, karatxaiera, txerkesera, abazera, nogaiera (ofizialak).
Biztanleak: 439.470 lagun. Karatxaiak (%38,5), txerkesak (%11,3; Adigeako adigeak eta Kabardino-Balkariako kabardiarrak ere txerkesen etnia berekoak dira izatez). Errusiar (%33,6), abaz.
Erlijioak: karatxaiak eta txerkesak musulmanak dira.
Jakingarriak: Errusiako errepublika autonomoa.
Transkripzioak: izen bereziak idazteko, ikus zirilikotik transkribatzeko taula.
 

Karelia

Hizkuntzak: errusiera (ofiziala), kareliera (ez du ezagutza ofizialik, baina lortzeko bidean da; kareliera finlandierari estu lotua dago, eta finlandieraren dialektotzat ere hartzen du zenbaitek).
Biztanleak: 716.281 lagun. Kareliar (%10), errusiar (%73,6), bielorrusiar (%7), ukrainar (%3,6), finlandiar (%.2,3).
Erlijioak: kareliarrak errusiar ortodoxoak dira nagusiki.
Jakingarriak: Errusiako errepublika autonomoa.
Transkripzioak: izen bereziak idazteko, ikus zirilikotik transkribatzeko taula.
 

KATALUNIAKO ERREPUBLIKA

Hizkuntzak: katalan, espainiera (ofizialak), aranera (okzitanieraren dialekto bat da, eta ofiziala da Aran ibarrean). Katalanez %74,5 mintzo dira; Rossellon 125.622 lagun inguru mintzo dira katalanez. Kataluniaren barruan dagoen Aran ibarra hizkuntzaz Okzitaniaren parte da.
Biztanleak: 7,5 milioi (2012).
Jakingarriak: katalanez, Catalunya. Herrialde Katalanen parte da, Balearrekin, Rossellorekin, Valentziarekin eta Andorrarekin batera.
Transkripzioak: leku izenak idazteko, katalanezko erak erabiltzen ditugu (Bartzelona salbu).
 

Kaxmir

Hizkuntzak: Indiaren menpeko lurraldean: kaxmirera eta urdu hizkuntzak dira ofizialak; beste hizkuntza batzuk: dograera / dogri, baltiera, paharera, ladhakera...; Pakistanen menpeko lurraldean: urdu ('lingua franca' Gilgit eta Baltistanen), hindko, punjabera, shina, baltiera, burushaski, wakhiera, potwarera, paxtunera.
Biztanleak: 10,1 milioi. Pakistanen: gujjar, paxtun, potwar, wakhi, buruso, shinaki, afganiar... Indian: ladakh, dogra, baltiar...
Erlijioak: Indiaren menpeko lurraldean: musulman (%70), budista, hindu. Pakistanen menpeko lurraldean: musulman (%99).
Jakingarriak: herrialde zatitua da Kaxmir. Indiaren eta Pakistanen artean zatituta dago: Indiako zatia Jammu eta Kaxmir estatuak osatzen du, eta Pakistango zatia, berriz, Azad Kaxmir (Kaxmir librea) eta Gilgit eta Baltistango eskualdeek. Txinak ere kontrolatzen du Kaxmir zati bat: Aksai Chin eskualdea eta Shaksgam (Trans-Karakorum eremua ere deitzen dute).
 

KAZAKHSTAN

Hizkuntzak: kazakhera (ofiziala, %64,4), errusiera (ofiziala; 'lingua franca' funtzioa du etnien arteko harremanetarako), ukrainera, uzbekera, alemana, tatarera...
Biztanleak: 18 milioi (NBE, 2012). Kazakh (%53,4), errusiar (%30), ukrainar (%3,7), uzbeko (%2,5), aleman (%2,4), tatar (%1,7), uigur (%1,4), beste (%4,9).
Erlijioak: musulman (%47; kazakhak, nagusiki, musulman sunitak dira), kristau ortodoxo (%44), protestante (%2), beste (%7).
Transkripzioak: izen bereziak idazteko, ikus zirilikotik transkribatzeko taula. Independentzia lortuz geroztik, bertako izenen transkripzioa kazakheraz iristen hasi zen. 2017an, alfabeto zirilikoa latinoarekin ordezkatzeko bideari ekitea erabaki zuten, eta 2025ean bukatzekoa dute trantsizioa.
 

KENYA

Hizkuntzak: swahili (ofiziala), ingeles (ofiziala), eta beste hainbat: gikuyu edo kikuyu, luoera, luhya, kalenjinera, kikamba, samburu, somaliera...
Biztanleak: 42,7 milioi (NBE, 2012). Kikuyu (%22), luhya (%14), luo (%13), kalenjin (%12), kamba (%11), kisii (%6), meru (%6), bestelako afrikar (%15) eta beste (%1; asiar, europar eta arabiar).
Erlijioak: protestante (%45), katoliko (%33), sinesmen tradizional (%10), musulman (%10), beste (%2).
 

Khakasia

Hizkuntzak: errusiera eta khakasera, biak dira ofizialak. Beste hainbat mintzaira ere badira, gutxiengo etnikoenak.
Biztanleak: 575.400 lagun. Khakasak, jatorrizko biztanleak, %12 dira. Errusiar (%80,2), alemaniar (%1,6), ukrainar (%1,5). Guztira, 117 talde etniko daude errepublikan.
Erlijioak: gehienak errusiar ortodoxoak dira.
Jakingarriak: Errusiako errepublika autonomoa.
Transkripzioak: izen bereziak idazteko, ikus zirilikotik transkribatzeko taula.
 

KIRGIZISTAN

Hizkuntzak: kirgizera, errusiera (ofizialak). Gutxiengo etnikoen mintzairak ere badira.
Biztanleak: 5,4 milioi (NBE, 2012). Kirgiz (%69,5), uzbeko (%14,5), errusiar (%9), tatar (%1,9), uigur (%1,1), kazakh (%0,7), ukrainar (%0,5), alemaniar, kalmik, dungan (txinatar musulmanak).
Erlijioak: musulman (%75), errusiar ortodoxo (%20), beste (%5).
Jakingarriak: Kirgizia ere esaten zaio.
Transkripzioak: izen bereziak idazteko, ikus zirilikotik transkribatzeko taula. Independentzia lortu ondoren (1991), zenbait hiriren izenak aldatu zituzten.
 

KIRIBATI

Hizkuntzak: ingeles eta kiribatiera edo gilbertera (Mikronesiako uharte hauetako jatorrizko hizkuntza).
Biztanleak: 1003.000 lagun (NBE, 2011). Mikronesiar (%98,8), beste (%1,2; mestizo, tuvaluar, europar...).
Erlijioak: katoliko (%52), protestante (%40), bahaista, musulman, zazpigarren eguneko adbentista, Jainkoaren Eliza, azken eguneko santu (%6).
 

KOLONBIA

Hizkuntzak: gaztelania (ofiziala). San Andres, Providencia eta Santa Catalina artxipelagoa departamenduan, ofizialak dira ingelesa eta San Andres eta Providenciako kreolera ere. Beste zenbait hizkuntza amerindiar (chibcha-paez mintzairak, wayuunaiki, wam...).
Biztanleak: 47,5 milioi (NBE, 2012). Mestizo (%58), zuri (%20), mulato (%14), beltz (%4), beltz-amerindiar (%3), amerindiar (%1). Amerindiarren artean, hainbat etnia daude: korewahe, puinave, guajiro, wayu, kongui, arhuaco, arsario...
Erlijioak: katoliko (%90), beste (%10).
 

Komi

Hizkuntzak: errusiera, komiera (ofizialak).
Biztanleak: Milioi bat. Jatorrizko komiak 250.000 inguru dira soilik, biztanleen %25. Errusiar (%58).
Jakingarriak: Errusiako errepublika autonomoa.
Transkripzioak: izen bereziak idazteko, ikus zirilikotik transkribatzeko taula.
 

KOMOREAK

Hizkuntzak: komoreera (swahiliaren dialektoa da), arabiera, frantses (ofizialak). Malgaxe hizkuntza ere erabiltzen da.
Biztanleak: 773.000 lagun (NBE, 2012). Antalote, kafre, makua, oimatsaha, sakalava.
Erlijioak: musulman sunita (%98), katoliko (%2).
Jakingarriak: 1997an Anjuan eta Moheli uharteek independentzia aldarrikatu zuten; geroztik, Komoreetako Gobernua saiatu da haien kontrola indarrez bereganatzen, baina ez du lortu. 2000. urtean, batasun nazionala lortzeko akordioak sinatu zituzten alde guztiek, Afrikar Batasunerako Erakundearen bitartekaritzarekin. 2001. urtean, konstituzio berria onartu zuten erreferendumean, eta herrialdeari Komoreetako Batasuna izena ematea erabaki zuten.
 

KONGO

Hizkuntzak: frantses, lingala, munukutuba / kituba (ofizialak hirurak), eta beste hainbat (kikongo bantu hizkuntza gehienbat).
Biztanleak: 4,2 milioi (NBE, 2012). Kongo (%48), sangha (%20), teke (%17), mbochi (%12), europar eta beste (%3).
Erlijioak: kristau (%50), animista (%48), musulman (%2).
 

KONGOKO ERREPUBLIKA DEMOKRATIKOA

Hizkuntzak: frantses (ofiziala); hainbat hizkuntza eta dialekto mintzatzen dira, eta horietako lau nazio hizkuntzak dira: lingala ('lingua franca'), swahili, kikongo, tshiluba.
Biztanleak: 69,6 milioi (NBE, 2012). Berrehun talde etniko baino gehiago daude, gehienak bantuak. Lau talde etniko handienak hauek dira (biztanleen % 45 inguru biltzen dituzte): luba, kongo, mongo (bantuak guztiak) eta mangbetu-azande.
Erlijioak: katoliko (%50), protestante (%20), kimbanguismo (%10), musulman (%10), sinkretista eta sinesmen tradizional (%10).
Menpeko herrialdeak: 'Zaire' izena izan zuen 1971 eta 1997 artean.
 

Korsika

Hizkuntzak: biztanleen %60 inguru mintzo dira egun korsikeraz. Korsikera, berez, italieraren dialektoa da. Frantsesa da hizkuntza ofizial bakarra.
Biztanleak: 260.000 lagun. Korsikar (%60). Zenbait gutxiengo ere badira: magrebtar, italiar, portugaldar.
Erlijioak: korsikarrak katolikoak dira nagusiki.
Jakingarriak: korsikeraz, Corsica. Frantziaren menpeko uhartea.
Transkripzioak: leku izenak korsikeraz emango ditugu.
 

KOSOVO

Hizkuntzak: albaniera eta serbiera dira ofizialak.
Biztanleak: 1,8-2,4 milioi. Albaniar (%88), serbiar (%7), bosniak (%3), ijito (%2), turkiar (%1).
Erlijioak: albaniarren %90 musulmanak dira, eta %10 katolikoak. Serbiarrak ortodoxoak dira, bosniak deituak musulmanak, ijitoak ere bai gehienak, eta berdin turkiarrak (sunitak, nagusiki).
Jakingarriak: Independentzia aldarrikatu zuen 2008ko otsailaren 17an, eta Serbiatik bereizi.
 

KROAZIA

Hizkuntzak: kroaziera (serbokroazierak estatu honetan duen izen ofiziala; %96,1), serbiera (%1), beste (%2,9; italiera, hungariera, txekiera, eslovakiera, alemana).
Biztanleak: 4,4 milioi (NBE, 2012). Kroaziar (%89,6), serbiar (%4,5), musulman eslaviar edo bosniak (%0,5), hungariar (%0,4), esloveniar (%0,3), txekiar (%0,2), ijito (%0,2), albaniar (%0,1), montenegroar (%0,1) eta beste (%4,1).
Erlijioak: katoliko (%87,8), ortodoxo (%4,4), musulman (%1,3), protestante (%0,3), sinesgabe (%5,2), beste (%1).
 

KUBA

Hizkuntzak: gaztelania (ofiziala).
Biztanleak: 11,2 milioi (NBE, 2012). Zuri (%65), mulato (%24,9), beltz (%10).
Erlijioak: katoliko, protestante, Jehovaren lekuko, judu (gutxi batzuk), santeria (aski zabaldua). Erlijiorik gabeak ere asko dira.
 

Kurdistan

Biztanleak: 30-40 milioi.
Jakingarriak: estaturik gabeko nazio handia da Kurdistan: Turkia, Iran, Irak, Siria eta Armeniaren parte batzuk hartzen ditu. Iranen bada probintzia bat Kurdistan izenekoa, eta Iraken bada eskualde bat Kurdistan eskualde autonomoa deitua. Kontuz ibili behar da batzuen eta besteen artean nahasketarik ez sortzeko. Gaur egun, Turkian bizi da kurdu gehien (20 m. inguru), gero Iranen (7 m.), Iraken (4 m.), Sirian (1,5 m.) eta Kaukason (Armenian, Georgian eta Azerbaijanen). Europako beste zenbait herrialdetan milioi bat kurdu inguru bizi dira.
 

KUWAIT

Hizkuntzak: arabiera (ofiziala). Ingelesez ere jende askok hitz egiten du.
Biztanleak: 2,9 milioi (NBE, 2012). Kuwaitar (%45), beste arabiar batzuk (%35), Asia hegoaldeko (%9), irandar (%4), beste (%7).
Erlijioak: musulman (%85; horietatik %70 sunitak dira, eta %30 xiitak), kristau, hindu, parsi eta beste (%15).
Transkripzioak: izen bereziak idazteko, ikus alfabeto arabiarretik eta perso-arabiarretik transkribatzeko taula.