EGIPTO

Hizkuntzak: arabiera (ofiziala). Ingelesa eta frantsesa aski hedatuak daude dirudunen artean; koptoera eta armeniera ere mintzatzen dira.
Biztanleak: 83,9 milioi (NBE, 2012). Egiptoar, beduino eta amazig (%99); greziar, nubiar, armeniar, italiar, frantziar (%1).
Erlijioak: musulman (%94, sunitak gehienbat), kristau kopto eta beste (%6).
Transkripzioak: izen bereziak idazteko, ikus alfabeto arabiarretik eta perso-arabiarretik transkribatzeko taula.
 

Eire

Jakingarriak: Ikus Irlanda eta Ipar Irlanda.
 

EKIALDEKO TIMOR

Hizkuntzak: tetum, portuges (ofizialak), indonesiera. Hainbat hizkuntza indiar ere badira: galole, mambae eta kemak hizkuntzek dute hiztun kopuru handi samarra.
Biztanleak: 1,2 milioi (NBE, 2012). Austronesiar (malaiar-polinesiar jatorrikoak), papuar, txinatar gutxiengoa.
Erlijioak: katoliko (%90), musulman (%4), protestante (%3), hindu (%0,5), budista, animista.
Jakingarriak: Herrialde independentea da 2002. urteko maiatzaren 20az geroztik.
 

EKUADOR

Hizkuntzak: gaztelania, kitxua, shuarrera (ofizialak); kofan, huao terero eta beste zenbait hizkuntza amerindiar (erabiltzen diren eremuetan, badute ezagutza ofiziala).
Biztanleak: 14,8 milioi (NBE, 2012). Mestizo (%65, indiarren eta espainiarren arteko nahasketa), amerindiar (%25), zuri (%7), beltz (%3).
Erlijioak: katoliko (%95), beste (%5).
 

EKUATORE GINEA

Hizkuntzak: gaztelania, frantses eta portuges (ofizialak), ingeles pidgin eta zenbait bantu hizkuntza (fangera, bubiera, igboera, annobonera eta beste).
Biztanleak: 740.000 lagun (NBE, 2012). Fang (%80; sei-zazpi klanetan banatuak), bubi (%15) eta beste (%5; ndowe, bujeba, balenge, benga, europar).
Erlijioak: gehienak kristauak dira, katolikoak nagusiki. Sinesmen tradizionalak ere hedatuak daude.
 

EL SALVADOR

Hizkuntzak: gaztelania (ofiziala). Zenbait indiar nahua hizkuntzan mintzatzen dira.
Biztanleak: 6,3 milioi (NBE, 2012). Mestizo (%90, zuri-amerindiar), zuri (%9), amerindiar (%1).
Erlijioak: katoliko (%83), protestante (%17).
 

ERITREA

Hizkuntzak: tigrinyera edo tigrignera eta arabiera dira hizkuntza nagusiak, baina ez dago hizkuntza ofizialik; ingeles, tigreera, afarera, dahlak eta hizkuntza kusita eta semitikoak (amharera).
Biztanleak: 5,6 milioi (NBE, 2012). Tigrinya edo tigrigna (%50), tigre eta kunama (%40), afar (%4), saho (%3) eta beste zenbait (nara, rashaida, hidarb...).
Erlijioak: musulman (sunita, gehienbat), kristau kopto, katoliko, protestante. Biztanleen erdiak musulmanak dira, eta beste erdiak, kristauak.
 

ERRESUMA BATUA

Hizkuntzak: ez dago hizkuntza ofizialik, baina, 'de facto', ingelesa hala da. Galesen, galesa ofiziala da (biztanleen %26 inguruk erabiltzen dute), eta Eskozian, gaelikoa (58.652). Beste hainbat mintzaira ere badira, hainbat talde etnikok erabiliak: bengalera, kantonera, hindi, punjabera, urdu, kreolera, jamaikera.
Biztanleak: 62,8 milioi (NBE, 2012). Zuri (%92,1; ingeles %83,6, eskoziar %8,6, galestar %4,9, irlandar %2,9), beltz (%2), indiar (%1,8), pakistandar (%1,3), bangladeshtar (%0,5), bestelako asiar (%0,4), mestizo (%1,2), txinatar (%0,4) eta beste (%0,3).
Erlijioak: kristau (%71,6), musulman (%2,7), hindu (%1), sikh (%0,7), judu (%0,5), budista (%0,3), sinesgabe (%14,6), beste (%7,7).
Jakingarriak: hiriak kokatzeko, kontuan izan Ingalaterrakoak, Galeskoak, Eskoziakoak edo Ipar Irlandakoak diren. Ikus Gales, Eskozia eta Ipar Irlanda.
Menpeko herrialdeak: Gibraltar, Anglo-normandiar uharteak edo Kanaleko uharteak, eta Akrotiri eta Dhekelia (Europa), Bermuda (Ipar Atlantikoa), Malvinak (Falkland uharteak) eta Santa Helena (Hego Atlantikoa), Aingira, Kaiman uharteak, Montserrat, Turk eta Caico uharteak, Birjina Uharte Britainiarrak (Karibe), Pitcairn (Ozeania), Antartikoko Lurralde Britainiarra, Indiako Ozeanoko Lurralde Britainiarra.
Transkripzioak: toponimoak idaztean, izan kontuan taula, eta ikus, halaber, Gales, Eskozia eta Ipar Irlanda.
 

ERRUMANIA

Hizkuntzak: errumaniera (ofiziala), hungariera, aleman, erromani.
Biztanleak: 21,4 milioi (NBE, 2012). Errumaniar (%89,5), hungariar (%6,6), ijito (%2,5), ukrainar (%0,3), alemaniar (%0,3), errusiar (%0,2), turkiar eta tatar (%0,2), beste (%0,4).
Erlijioak: errumaniar ortodoxo (%86,8), protestante (%7,5), katoliko (%4,7), greko ortodoxo (%0,9), musulman eta beste.
Transkripzioak: alfabeto latinoa erabiltzen dute.
 

ERRUSIA

Hizkuntzak: errusiera (ofiziala), tatarera, ukrainera, txuvaxera eta beste hainbat, zein bere errepublika edo eskualde autonomoan: abazera, karatxaiera, txerkesera (Karatxai-Txerkesia), adigera (Adigea), altaiera (Altai), baxkirera (Baxkortostan/Baxkiria), buriatera (Buriatia), erziera eta mokxera (Mordovia), inguxera (Inguxetia), kabardera eta balkarera (Kabardino-Balkaria), kalmukera (Kalmukia), khakasera (Khakasia), komiera (Komi), mariera (Mari El), osetiera (Ipar Osetia-Alania), sakhera/jakutera (Sakha/Jakutia), tatarera (Tatarstan/Tartaria), tuvera (Tuva), txetxenera (Txetxenia), txuvaxera (Txuvaxia), udmurtera (Udmurtia). Beste hizkuntza batzuk: dolganera (Taimyria), evenkera (Evenkia), khantiera eta mansiera (Khanti-Mansi), koriakera (Koriakia), Krimeako tatarera edo krimeera (Krimea), nenetsera (Nenetsia), nogaiera (Dagestan eta Karatxai-Txerkesia), txuktxiera (Txukotka), yiddish (Juduen Lurralde Autonomoa).
Biztanleak: 144,6 milioi (2014). Errusiar (%79,8), tatar (%3,8), ukrainar (%2), baxkir (%1,2), txuvax (%1,1), txetxeniar (%0,9), armeniar (%0,8) eta beste hainbat (avar, azerbaijandar, bielorrusiar, txinatar, evenk, georgiar, alemaniar, ingux, inuit, kalmik, kareliar, kazakhstandar, korear, mariar...).
Erlijioak: errusiar ortodoxo nagusiki, musulman (sunita gehienbat), protestante, judu, katoliko, budista.
Jakingarriak: Hauek dira errepublika autonomoak: Adigea, Altai, Baxkortostan (lehen, Baxkiria), Buriatia, Dagestan, Inguxetia, Ipar Osetia-Alania, Kabardino-Balkaria, Kalmukia, Karatxai-Txerkesia, Karelia, Khakasia, Komi, Mari El (lehen, Mari), Mordovia, Sakha (lehen, Jakutia), Tatarstan (lehen, Tataria), Tuva, Txetxenia, Txuvaxia, Udmurtia. Horien datu zehatzak jakiteko, ikus banan-banan. Bederatzi lurralde autonomo ere badira: Altai, Kamtxatka, Khabarovsk, Krasnodar, Krasnoiarsk, Perm, Primorski, Stavropol eta Zabaikalski. Era berean, lau barruti autonomo dituzte: Txukotka (txuktxiera da hizkuntza ofiziala, errusierarekin batera), Khanty-Mansisk (khantiera eta mansiera dira hizkuntza ofizialak, errusierarekin batera), Nenetsia (nenetsera da hizkuntza ofiziala, errusierarekin batera) eta Jamalia-Nenetsia. Eta probintzia autonomo bat ere bai: Juduen Probintzia Autonomoa (yiddisha hizkuntza ofiziala da, errusierarekin batera). 2014ko martxoan, Krimea Ukrainatik bereizi eta Errusian sartu zen; gaur egun, Errusiako barruti federaletako bat da.
Transkripzioak: izen bereziak idazteko, ikus zirilikotik transkribatzeko taula. Errusiako zenbait hiriren izena berriki aldatu denez, batzuetan komeni da aurreko izena parentesi artean idaztea, argigarri.
 

Eskozia

Hizkuntzak: ingelesa eta gaelikoa dira ofizialak. Eskozierak ez du ofizialtasunik, baina Erresuma Batuak eskualde hizkuntza gisa ezagutu du. 60.000 lagun inguru mintzo dira gaelikoz, batez ere Highlands eskualdean eta ipar-mendebaldeko uharteetan; Kanadan ere gorde dute gaelikoa, Nova Scotian (diasporakoak mintzo dira).
Biztanleak: 5,2 milioi (2011).
Erlijioak: presbiteriano (Eskoziako Eliza; %42), katoliko (%16), bestelako kristau (%7), musulman (%0,8), budista (%0,1), sikh (%0,1), judu (%0,1), hinduista (%0,1), sinesgabe (%28).
Jakingarriak: Gaelikoz, Alba; hizkuntzari gaidhlig esaten diote.
Transkripzioak: Eskoziako izenak ingelesezko eran idatziko ditugu, baina hizkuntzari buruzko artikuluetan gaelikozko era ere eman.
 

ESLOVAKIA

Hizkuntzak: eslovakiera (ofiziala; %83,9), hungariera (%10,7), erromani (zingaro, %1,8), ukrainera (%1), beste (%2,6; txekiera, ruteniera...).
Biztanleak: 5,5 milioi (NBE, 2012). Eslovakiar (%85,8), hungariar (%9,7), ijito (%1,7), ruteniar / ukrainar (%1), txekiar (%0,8), beste (%1; moraviar, silesiar, aleman, poloniar, kroaziar).
Erlijioak: katoliko (%68,9), protestante (%10,8), greziar katoliko (%4,1), kristau eliza berritua (%2), sinesgabe (%13), beste eta zehaztugabe (%1,2).
Transkripzioak: alfabeto latinoa erabiltzen dute.
 

ESLOVENIA

Hizkuntzak: esloveniera (ofiziala, %91,1), serbokroaziera (%4,5), beste (%4,4; italiera eta hungariera ere ofizialak dira gutxiengo horiek babesten dituzten lurraldeetan).
Biztanleak: 2 milioi (NBE, 2012). Esloveniar (%83,1), serbiar (%2), kroaziar (%1,8), bosniak (%1,1), beste (%12; hungariar, italiar...).
Erlijioak: katoliko (%57,8), musulman (%2,4), ortodoxo (%2,3), bestelako kristau (%0,9), sinesgabe (%10,1), afiliaziorik gabe (%3,5), beste (%23).
Transkripzioak: alfabeto latinoa erabiltzen dute.
 

ESPAINIA

Hizkuntzak: espainiera / gaztelania (ofiziala). Hego Euskal Herrian euskara hizkuntza ofiziala da, Galizian galiziera, eta Herrialde Katalanetan katalana. Valentzian katalanari valentziera deritzo ofizialki. Aran ibarrean, aranera ofiziala da.
Biztanleak: 46,7 milioi (NBE, 2012). Espainiar (%72,9), katalan (%15,6), galiziar (%6,5), euskaldun (%5). Ikus Euskal Herria, Galizia, Herrialde Katalanak, Katalunia, Valentzia, Balearrak, Ceuta eta Melilla.
Erlijioak: katoliko (%80), sinesgabe (%12), beste (%1,4; ebanjelista, Jehovaren lekuko, musulman). Herritarren %7k ez dute zehaztu.
Transkripzioak: toponimoak idaztean, izan kontuan taula, eta ikus, halaber, Galizia, Katalunia, Valentzia eta Balearrak.
 

ESTONIA

Hizkuntzak: estoniera (ofiziala, %67,3), errusiera (%29,7), beste (%2,3, ukrainera tartean), zehaztugabe (%0,7).
Biztanleak: 1,3 milioi (NBE, 2012). Estoniar (%67,9), errusiar (%25,6), ukrainar (%2,1), bielorrusiar (%1,3), finlandiar (%0,9), beste (%2,2).
Erlijioak: luterano (%13,6), ortodoxo (%12,8), bestelako kristau (%1,4; metodista, zazpigarren eguneko adbentista, katoliko, mendekoste...), afiliaziorik gabe (%34,1), beste eta zehaztugabe (%32), sinesgabe (%6,1).
Transkripzioak: alfabeto latinoa erabiltzen dute.
 

ETIOPIA

Hizkuntzak: Etiopian 84 mintzaira daude. Amharera (ofiziala 'de facto'), oromoera, tigrinyera edo tigrignera, somaliera, gurageera, sidamoera, arabiera, ingeles eta hainbat hizkuntza kusita eta semita.
Biztanleak: 86,5 milioi (NBE, 2012). Oromo (%40), amhara eta tigre (%32), sidamo (%9), shankella (%6), somaliar (%6), afar (%4), gurage (%2), beste (%1).
Erlijioak: musulman (%45-50), etiopiar ortodoxo (%35-40), animista (%12), beste (%3-8).
 

Europa uhartea

Jakingarriak: Frantziaren menpeko uhartea, Afrika hegoaldean, Mozambikeko kanalean. Gaur egun, ez da jatorriko biztanlerik bizi. Madagaskarrek beretzat eskatzen du uhartea.
 

Europako Batasuna

EGOITZA:
Batzordearena, Bruselan dago; Parlamentuarena, Estrasburgon eta Bruselan.

KIDEAK:
Alemania, Austria, Belgika, Bulgaria, Danimarka, Eslovakia, Errumania, Eslovenia, Espainia, Estonia, Finlandia, Frantzia, Grezia, Herbehereak, Hungaria, Irlanda, Italia, Kroazia, Letonia, Lituania, Luxenburgo, Malta, Polonia, Portugal, Suedia, Txekiako Errepublika eta Zipre. Erresuma Batua 2020ko urtarrilaren 31 atera zen Europako Batasunetik

ERAKUNDE NAGUSIAK:
—Europako Batzordea (en: European Commission; es: Comisión Europea; fr: Commission européenne). Estatu kide bakoitzak komisario bat du; beraz, 28 komisariok osatu zuten 2013ko uztailaren 1az geroztik, eta orain 27 dira, Erresuma Batuak alde egin baitzuen 2020ko urtarrilaren 31n. Europako Batasuneko gobernua da, nolabait esateko.
—Europako Parlamentua. 732 diputatu, bost urtetik behin hautatuak.
—Europar Kontseilua (en: European Council; es: Consejo Europeo; fr: Conseil européen). Estatuburu eta gobernuburuen biltzarra. Gutxienez urtean bitan biltzen da.
—Europako Batasuneko Kontseilua (en: Council of the European Union; es: Consejo de la Unión Europea; fr: le Conseil de L'Union européene). Ministroen biltzarra. Ez da nahastu behar Europako Kontseiluarekin (en: Council of Europe; es: Consejo de Europa; fr: Conseil de l'Europe): ez da EBren parte, eta 47 estatuk osatzen dute.

BESTE ERAKUNDE BATZUK:
—Atzerri eta Segurtasun Politika Bateratua, PESC (en: Common foreign and security policy, CFSP; es: Política exterior y de seguridad común, PESC; fr: La politique extérieure et de sécurité commune, PESC).
—Banku Zentralen Europako Sistema, BZES (en: European system of Central Banks, ESCB; es: Sistema Europeo de Bancos Centrales, SEBC).
—Ecofin, Ekonomia eta Finantzetako Ministroen Kontseilua.
—Eurogunea edo euroaren eremua: euroa erabiltzen den gunea (Alemania, Austria, Belgika, Eslovenia, Espainia, Finlandia, Frantzia, Grezia, Herbehereak, Irlanda, Italia, Luxenburgo, Portugal).
—Ekonomia eta Gizarte Batzordea.
—Eskualdeen Batzordea.
—Europako Banku Zentrala, EBZ (BCE*).
—Europako Batasuneko Justizia Auzitegia (en: Court of Justice of the European Union; es: Tribunal de Justicia de la Unión Europea; fr: Cour de Justice des l'Union européenne) Europako Batasuneko auzitegi gorena da; EBko legedia betearazi eta interpretatzen du. Egoitza: Luxenburgo. Bi atal ditu: Europako Justizia Auzitegia (en: European Court of Justice; es: Tribunal de Justicia de la Unión Europea; fr: Cour de Justice européenne) eta Auzitegi Orokorra (en: General Court; fr: Tribunal (Union européenne); es: Tribunal General de la Unión Europea).
—Inbertsioen Europako Bankua.
—Kontu Auzitegia.

 

Euskal Herria

Hizkuntzak: euskaldunak (elebakarrak eta elebidunak): %27. Araba: %16,7. Bizkaia: %25,4. Gipuzkoa: %49,9. Nafarroa: %11,7. Lapurdiko BAM: %8. Gainerako Lapurdi: %24. Nafarroa Beherea eta Zuberoa: %52. Ia euskaldunak (elebidun hartzaileak): %14,1. Araba: %16. Bizkaia: %18,1. Gipuzkoa: %16,4. Nafarroa: %7,5. Erdaldunak: %58,9. Araba: %67,3. Bizkaia: %56,5. Gipuzkoa: %33,7. Nafarroa: %69,4. Datuok 16 urtetik gorakoei dagozkie. Iturria: V. Inkesta Soziolinguistikoa (2012ko uztailean kaleratua, 2011n egindako inkesten datuekin).
Biztanleak: 3.127.326 (2012). Araba: 324.556. Bizkaia: 1.158.794. Gipuzkoa: 712.097. Nafarroa Garaia: 644.566. Lapurdi: 241.479. Nafarroa Beherea: 30.609. Zuberoa: 15.225. EAE: 2.195.447. Hego Euskal Herria: 2.840.013. Ipar Euskal Herria: 287.313.