Hango bortu-gainetarik
altxatzean hego hatsak
beldurraren zainetarik
airatzen dira urratsak
ez dakit erranen dudan
nolatan maite zaitudan
behar-grina bedi lerra
lo hiletik gau hotzera
zure So beltzen ederra
joan dakidan bihotzera
ez dakit erranen dudan
nolatan maite zaitudan
hauts eztiaren zaparta
hitz arruntaren kalaka
suak bultzatu du barda
mintzo ausarten balaka
ez dakit erranen dudan
nolatan maite zaitudan
lur hutsetik begiraino
amets hotsa dut ekarri
bihotz honen hegiraino
zazpi musuz bake jarri
ez dakit erranen dudan
nolatan maite zaitudan
Itxaro Borda
Irudia: Anita Austvika