Euskal Herriko Eskubide Sozialen Gutuna osatzen duten eragile sozial eta sindikatuek mobilizazioak antolatu dituzte ekainaren 19rako, Etxean geratu naiz, orain kalera aterako gara lelopean. Aurreratu dute hiriburuetan izango direla mobilizazioak, baina ez dute zehaztasun gehiago eman.
Manifestu labur bat kaleratu dute, «dozenaka eragilek» babestutakoa. Horren arabera, herritarrak aktibatzea ezinbestekotzat jotzen dute, COVID-19ak eragin dezakeen krisi ekonomiko eta sozialari erantzuteko. «Ezin da errepikatu aurreko krisien ondoren gertatutakoa, eta, konfinamenduaren gogorrena igaro ondoren, kalea berreskuratuko dugu».
Etxean gelditu naiz. Orain kalera aterako gara! #BizitzakErdigunean
— Karta Soziala Naf (@KartaSozialaNaf) May 29, 2020
Me he quedado en casa. ¡Ahora nos toca salir a la calle! #E19KaleraAtera#LasVidasAlCentropic.twitter.com/OYgmSRcVq6
«Normaltasunera» itzultzea ezinezkotzat jotzen dute, eta azpimarratu dute aurrera begira hartu beharko diren neurrietan «pertsonak» lehenetsi beharko direla. «Atzean utzi nahi dugu osasun krisi bati erantzuteko gai ez den jendarte antolaketa. Pertsonak, komunitateak eta planeta babestea lehenetsi behar da, ez merkatua, etekin ekonomikoa eta jabetza pribatua. Langile eta herri sektoreen interesak erdigunean jartzeko unea da. Lehenik bizitza!»
Aurreko asteetan ere mobilizatu dira Gutun Sozialeko Eskubide Sozialen Gutuneko eragileak. Gaur, bizikleta martxa bat egin dute Iruñean, erakundeetako egoitzetan euren aldarrikapenak zabaltzeko.
HOY salimos a las calles!!!#BizitzakErdigunean Bizi martxa Nafarroa suspertzeko, plan soziala.
— Karta Soziala Naf (@KartaSozialaNaf) May 29, 2020
Maiatzak 29 Mayo
11:00 Autobus geltoki berria@ahotsa@ahtgelditu@ehbfeminista@NafarroakoM8@EHNEsindikatua@Zabaldi@SOSracismoNafar@MugakZabalduzpic.twitter.com/cFz6tRJy2E
